慵懶生物 (Closed)

今天天氣好好，咁就去咗宋皇臺站睇古蹟，睇完就由宋皇臺行返落去九龍城，剛剛喺迴旋處過馬路就見到一間比較特別嘅餐廳叫lazy creature，見到佢係兩個相連鋪，而外面仲有一啲凳，咁我就坐喺出面嗰度，享受下陽光同埋食過quick lunch，特別的服務員話畀我哋知，原來坐出面係用外賣紙餐具，我諗可能佢出面嘅位置，根本唔可以做餐堂，所以走法律罅，不過冇所謂啦我哋都係想食個lunch啫，我哋唔係咁肚餓，所以就點了一個all day breakfast同埋兩杯嘢飲，我就點咗個ginger latte，朋友就點都過cappuccino. 當食物放餐枱面嘅時候，真係用紙碟，而當時都幾大風，真係要撳住曬啲嘢已免被咪吹走，all Day buffet個菇，整得唔錯，啲蛋都仲算滑，其他都standard啦。ginger latte其實就真係薑粉加落latte嗰度,少少特別，cappuccino就一般啦。最想講就係見到原來有好多客都會帶隻狗嚟呢度飲嘢同埋食晏。坐喺度好似睇狗展咁樣，大狗細狗都有。鍾意狗嘅朋友真係可以嚟食下嘢，環境唔錯。只係食物價錢都比較貴。