安哥食館 (Closed)

係深水土步住咁耐，唔知有呢間食館，朋友生日，有人發起，一齊去試下。結果掛住食，唔記得影相，好多菜非常惹味，小菜館來說真係非常驚喜！因為是做街坊生意，所以唔好同高級食府靚靚裝修相比。首先點了一個杏汁豬肺湯，個人覺得鹹0左D，但裡面湯料十足。主要金牌菜，我們點了風沙雞，風沙豬手，金牌咕嚕肉，炒班塊、紅燒扣鮑魚，筒鵝，燒肉炒飯等，後來又加了一人一口蠔，冰鎮露筍，全部食過後個個都讚不絕口。其中我最推薦係金牌咕嚕肉，一D唔覺得膩，皮脆又甜。風沙雞真係上檯已經聞到非常香的蒜味，口水直流，另外扣鮑魚真係估唔到咁鮮甜，同出面一般以蠔油作鹹味的菜不同，估佢唔到。因為已經叫了十二個菜，汽水和啤酒，又自己帶了蛋糕，結果無試到反沙芋，又試唔到其他牌菜椒鹽金菇銀魚和黃金鮮魷，下次去會試一下。