Video
Read full review
2017-01-12
208 views
之前睇instagram介紹吞pot有半價優惠, 而且有芝士響鈴, 好吸引, 就約埋啲朋友去試一試。吞pot喺旺角, 近金魚街, 由旺角地鐵站出, 大約5分鐘就到。地點方便, 位於一座好似商廈嘅23樓。成棟大廈都有好多唔同食肆, 例如韓燒, 泰國菜同西餐等等。去到安排左窗邊位, 餐廳有一面落地玻璃窗嘅位置, 可以一落食一落欣賞大角咀嘅景色。因為一早到左, 仲可以睇住日落食雞煲, 從未諗過甘浪漫食雞煲架。餐廳環境都唔錯, 枱與枱嘅空間唔會迫, 窗邊仲有一啲雞仔公仔做裝飾, 都幾得意。餐廳唔算好大, 大概有十幾張枱。門口有一大個魚缸, 養左啲魔鬼魚, 龍吐珠等。坐底左侍應就奉上啲醬料俾我地自己混醬。醬料都係大路選擇, 蔥, 辣椒, 生蒜, 炸蒜等。佢有隻辣醬都幾香, 但都頗辣, 怕辣嘅朋友加少少就夠喇。佢地都係用點心紙嘅形式, 揀左花雕藥膳雞煲(半隻雞)同加左個香濃沙嗲鍋。因為我個人都比較燥熱, 怕一直用藥膳雞煲打邊爐會頂唔順先另加一個鍋。藥膳雞煲黎到, 中藥味都幾濃, 侍應話可以即刻食, 唔需要再等佢煲。個藥膳煲有啲藥材, 除左杞子, 其他就唔認識喇。趁熱食件雞先, 雞肉都嫩同彈牙, 藥
吞pot喺旺角, 近金魚街, 由旺角地鐵站出, 大約5分鐘就到。地點方便, 位於一座好似商廈嘅23樓。成棟大廈都有好多唔同食肆, 例如韓燒, 泰國菜同西餐等等。
去到安排左窗邊位, 餐廳有一面落地玻璃窗嘅位置, 可以一落食一落欣賞大角咀嘅景色。因為一早到左, 仲可以睇住日落食雞煲, 從未諗過甘浪漫食雞煲架。
餐廳環境都唔錯, 枱與枱嘅空間唔會迫, 窗邊仲有一啲雞仔公仔做裝飾, 都幾得意。
餐廳唔算好大, 大概有十幾張枱。門口有一大個魚缸, 養左啲魔鬼魚, 龍吐珠等。坐底左侍應就奉上啲醬料俾我地自己混醬。醬料都係大路選擇, 蔥, 辣椒, 生蒜, 炸蒜等。佢有隻辣醬都幾香, 但都頗辣, 怕辣嘅朋友加少少就夠喇。
佢地都係用點心紙嘅形式, 揀左花雕藥膳雞煲(半隻雞)同加左個香濃沙嗲鍋。因為我個人都比較燥熱, 怕一直用藥膳雞煲打邊爐會頂唔順先另加一個鍋。
藥膳雞煲黎到, 中藥味都幾濃, 侍應話可以即刻食, 唔需要再等佢煲。個藥膳煲有啲藥材, 除左杞子, 其他就唔認識喇。趁熱食件雞先, 雞肉都嫩同彈牙, 藥材味唔算好濃, 可以一路食都冇問題。食到差唔多, 就換左沙嗲鍋打邊爐先。沙嗲鍋都幾香濃同惹味, 有啲芽菜同秀珍菇。叫左個牛三郎, 有牛柳粒, 牛肋片同雪花肥牛。
上面係雪花肥牛, 脂肪分佈均勻, 烚幾下就得, 食嘅時候會有微微嘅沙嗲香味, 又唔會蓋過啲牛味, 基本上唔需要沾醬食。下面係牛肋片, 雖然雪花程度需要冇雪花肥牛甘勁, 但肉質佢係比雪花肥牛再嫩啲, 肉味差唔多, 都幾好味。中間嘅係牛柳粒, 三款肉中, 我覺得佢肉味最濃同油脂重啲, 佢肉質方面冇其他兩款甘嫩, 但一路咬油脂都會滲出, 都幾香嘅。呢個三郎值得推介呀。
蟹子蝦滑, 蟹子份量唔算多, 可以撈勻啲蟹子同蝦滑先, 之後先落鍋。呢個蝦滑都鮮甜, 蝦味濃, 彈牙, 但提一提大家唔好烚甘耐, 因為佢會索左啲湯, 變得有啲咸, 所以熟就要食喇。
餃餃陣 有4款餃: 鮮蝦雲吞, 韭菜餃, 蟹粉蟹肉雲吞同魚皮餃。我淨係試左蟹粉雲吞同韭菜餃。蟹粉雲吞都幾好味, 真材實料, 有一絲絲嘅蟹肉。韭菜餃大隻又飽滿, 料足。其他餃朋友都話唔錯, 可以試下。
十全大寶丸共有5款手打丸: 生拆蟹粉墨魚丸, 黑松露墨魚丸, 鵝肝蝦丸同埋芝心牛丸。芝心牛丸食嘅時候要小心, 佢會流芝, 一陣"辣"親嘴。鵝肝蝦丸都好好味呀!!! 蝦丸彈牙有鮮味。朋友話黑松露丸都好味。因為太飽喇, 冇叫到芝士響鈴, 下次要再試~ 啱啱730pm前埋單, 所以可以火鍋料半價。唔記得火鍋有冇得半價呢。
Post
