小念頭 (The Chinese University of Hong Kong) (Closed)

小念頭可以話係中大美食嘅代表，佢哋主打台式食物同蛋糕，平時耐唔耐都會用嚟做表演場地，枱與枱之間嘅空間好夠，非常適合同朋友吹水食飯😚之前試過佢嘅滷肉飯，餸菜份量唔算好多但賣相精緻、調味唔錯👍🏻今日唔太餓就決定試下蔥花玉子三文治($34)，再加杯四季春茶😋等咗大概十幾分鐘後就有得食，此終比較多外賣單，所以飯類可能要等得比較耐🤔擺上枱就聞到好香芝士味，表面滿滿嘅肉鬆更加令人食指大動🤩攞上手仲熱辣辣，麵包有烘過但好似冇咩落牛油，缺少咗烘底應有嘅牛油香🧈但芝士有炙燒過，周圍濃濃地就幾好味🥰呢個內餡嘅配搭可以話係一定好味，個人就覺得可以多好多蔥，因為肉鬆完全蓋過蔥味，就算就咁食蛋其實都唔太明顯，炒蛋亦都略嫌過熟，咬落唔算好硬但冇蛋汁😗整體嚟講係好味嘅三文治，不過比我預期嘅差少少🙈至於隔離嘅薯角同沙律都一般般，有啲菜明顯發黑，薯角就淋晒完全唔脆☹️睇嚟都係滷肉飯比較穩陣同出色😆