Video
Read full review
2023-11-14
176 views
之前叫川婆婆，雖然而家改咗名，但係咩嘢都冇變，應該係冇轉到人。之前幫襯過一次，頭盤會上齊晒新鮮靚牛肉再加海鮮。之後自助區嗰啲雖然冇咁靚，但係就任食。食過一次覺得唔錯，所以先諗住再嚟！但係而家差到冇得再差。難食到冇得再難食！1）請好多Foodie宣傳呢間舖頭，Foodie佢哋講嗰啲嘢同實際幫襯嘅內容完全不符。串燒冇串燒，海鮮冇海鮮，新鮮牛肉限量嗰啲都冇。就只係自助區嗰啲質素差嘅嘢自助燒同埋打邊爐！一開始就魚同埋雞煲二揀一（份量都幾大）兩個人食可能一開始就飽……**食完先可以打邊爐同埋燒嘢！2）餐廳宣傳海報嗰度寫每台客都會有海鮮（之前食嗰陣時都有供送）咁佢加多句數量有限，送完即止。好啊冇問題。咁我就問下員工，點知佢就同我講話冇呀，而家冇再送㗎喇。咁就唔係送完即止，而係不再提供！如果係咁嘅話應該要改咗啲海報，而唔係咁樣欺騙消費者！3）出菜慢！限時兩小時嘅放題，咁就梗係時間係好珍貴。等佢出雞煲都等咗二十幾分鐘差唔多半個鐘！至慘係要食完雞煲先可以開始任食其他嘢！所以狼吞虎嚥食晒個雞煲都已經四十幾分了….一開始已經冇咗半條人命個雞煲，又唔係特別好食舉手講可以打邊爐嗰陣又等咗10幾分鐘個火鍋先上…嗰
之前幫襯過一次，頭盤會上齊晒新鮮靚牛肉再加海鮮。之後自助區嗰啲雖然冇咁靚，但係就任食。
食過一次覺得唔錯，所以先諗住再嚟！
但係而家差到冇得再差。難食到冇得再難食！
1）請好多Foodie宣傳呢間舖頭，Foodie佢哋講嗰啲嘢同實際幫襯嘅內容完全不符。串燒冇串燒，海鮮冇海鮮，新鮮牛肉限量嗰啲都冇。
就只係自助區嗰啲質素差嘅嘢自助燒同埋打邊爐！
一開始就魚同埋雞煲二揀一（份量都幾大）兩個人食可能一開始就飽……
**食完先可以打邊爐同埋燒嘢！
2）餐廳宣傳海報嗰度寫每台客都會有海鮮（之前食嗰陣時都有供送）咁佢加多句數量有限，送完即止。好啊冇問題。咁我就問下員工，點知佢就同我講話冇呀，而家冇再送㗎喇。咁就唔係送完即止，而係不再提供！如果係咁嘅話應該要改咗啲海報，而唔係咁樣欺騙消費者！
3）出菜慢！限時兩小時嘅放題，咁就梗係時間係好珍貴。等佢出雞煲都等咗二十幾分鐘差唔多半個鐘！至慘係要食完雞煲先可以開始任食其他嘢！所以狼吞虎嚥食晒個雞煲都已經四十幾分了….
一開始已經冇咗半條人命個雞煲，又唔係特別好食
舉手講可以打邊爐嗰陣又等咗10幾分鐘個火鍋先上…嗰陣就唯有燒住嘢食先…
4）人手不足，自助區嘢食種類唔多！呢兩個問題點嘅情況就導致自助區嘅嘢食補充得唔快…喺出邊真係揀唔落手…因為真係冇乜好食
大家冇乜嘢真係唔好嚟食
差咗好多 之前真係唔係咁
成餐飯比我嘅感覺就係$288 +1食咗個質素差嘅雞煲
對於燒烤同打邊爐我好似冇體驗到咁就走咗…
我第一次食放題係會同一齊嚟嘅人講話適可而止，啱啱好夠飽就好走啦…
Post