滿屋日本料理 (大鴻輝(荃灣)中心) (Closed)

諗住近近地食下日式放題 叫左Set B貪佢多小小野食 Set A好似冇乜野食咁 點知第一次落刺身 已經漏單 之後啲雞翼仲要中間未熟 生生地 味道除左鹽味乜味都冇 刺身預左都係一般普通貨色 但Set B先有既吞拿魚刺身都係普通過普通貨色 啲海膽仲要黑色同好腥 花膠好似食緊發泡膠咁 饑燒鮑魚又係冇味 串燒又燒到好乾 燒牛舌韌到咬唔開 清酒煮蜆又冇清酒味 直情冇味 其他食物都唔係好食 每人四舊呢個價錢 食其他日式放題都有呢啲食 仲要唔洗呢個價 好唔抵食！全場最好食應該得個movenpick雪糕同個炸牛奶！