一起食堂 (威利廣場)

Open Now

Now Closed

聖誕🎅🏻出街食但唔想同人迫去左觀塘一間台灣餐廳食餐廳好近觀塘海濱食完去海濱散散步店面以磚瓦屋頂設計裝潢係日式仿古風格並以燈籠作裝飾台式餐廳日系風格別有一番風味😋🔸紅燒三寶牛肉麵 $88 三寶有牛丸、牛肋肉、牛肩。牛丸非常彈牙，牛肋肉同牛肩大大舊，炆得好淋身入味。蘿蔔索晒d紅燒湯汁，又淋又香濃。麵似烏冬，非常滑身，索晒湯汁好惹味。🔸花雕酒麻油雞卷麵 $78花雕酒係另上，可以自己控制份量倒入湯。呢樣好貼心，因為有d朋友仔始終唔鍾意太濃酒味。我就全部倒晒入去，湯底超香酒味🤤雞卷去左皮唔會好油膩，口感嫩滑，配埋冬菇、青菜同杞子好補身👍🏻🔸鹽酥雞 $38非常出色呀😍外層脆口，粉漿唔會太厚，內層肉質juicy嫩滑，油膩感唔重。 🔸燙青菜 $18本來以為只係白烚菜，誰不知個面都有好多炸蒜，令到個菜無咁淡味。🔸芋圓燒仙草（熱）$28平時都係凍食，不過最近凍冰冰就叫左熱食試下。仙草呈液體狀，但唔會好水，有濃稠感。芋圓好Q軟，而且唔會非常甜。🔸冷泡四季春茶 $24食炸物最好就係飲茶消濟，四季春茶嘅茶味好出，唔錯。🔸冷泡白桃烏龍茶 $24烏龍茶帶有淡淡嘅白桃味，整個味道更加豐富，無左茶嘅苦澀味。