舖內格局跟店名貼切, 好有後花園嘅寫意同放鬆
1
由於Lunch time, 所以兩個人叫左兩份main同一款appetizer就收手
appetizer係阿拉斯加蟹肉餅配芒果莎莎, 蜜糖青檸醬
熱辣辣嘅蟹肉餅一切開, 係滿滿嘅蟹肉絲! 好香口, 配少少蜜糖青檸熱氣度略減. 加上芒果莎莎味道加點清新醒神。
青咖喱牛肉烤餅
餐牌上可以黃.青.紅三款咖喱自由配搭豬.牛.雞, 以往都會揀青咖喱雞比較多, 今次因為朋友唔食豬所以試一試配牛肉! 估唔到有驚喜! 咖喱偏辣, 好惹味又多香料, 味道出色; 牛肉偏厚, 但竟然肉質軟熟 (出面食通常都overcook!!) 配烤餅, 甜甜地沾滿咖喱咬一口, 4塊竟然覺得唔夠喉!!
紅咖喱北海道帶子意大利飯
呢個main好西式, 似乎偏離泰國菜, 但又被紅咖喱帶番入黎, 第一次食咖喱意大利飯, 幾特別啊!
賣相配搭吸睛, 今次味道辣度較輕, 椰奶味出, 米飯質感適中,唔乾身; 帶子更是煎得好, 稍燶的外層內裏肉質依然保持剛熟狀態, 最佳口感~
一餐飯都不缺餐飲, 我地一熱一凍, 她是Americano; 我是Thai green milk tea, 店員推薦自家制奶綠, 抺茶味出, 質感厚滑, 而且冰塊自定, 有需要的話連玻璃樽都可以拎走!
