九龍坎麻辣火鍋

Open Now

Now Closed

呢度裝修勁有古代風味，門口仲擺設左宮廷漢服可以著黎打邊爐打卡，好似穿越咗古代禁，勁有風味。 叫左個經典鴛鴦湯底，一邊麻辣一邊高湯，我哋叫咗小辣，一上到黎見到紅噹噹，對我黎講都算幾辣了🙈，不過好襯食黑魚片，牛舌等食物，超香超惹味。另一邊高湯鍋底好足料，有紅棗、粟米、蟲草花、蘿蔔等配料，材料好豐富，好滋潤。岩哂碌菜冬瓜等火鍋料。潮汕牛肉丸爽口彈牙，帶有黑椒味，大大粒好好食。雪花牛舌牛舌口感有小小un 唔夠爽彈， 但放落麻辣鍋度夠晒醒神😂西班牙黑毛豬腩片肥瘦平均，肉質嫩滑呢個唔錯黑魚片食落非常鮮嫩滑溜，大大碟，肉味鮮甜，放落麻辣湯底食夠哂過癮。手打墨魚滑 好有心思，仲要勁大份，2個人食唔曬🙈每啖都咬到墨魚粒，食落好爽口，彈牙娃娃菜，冬瓜片同海帶食落好清新，岩哂打邊爐。