紅花匯

Open Now

Now Closed

疫情期間都食過好幾次，未改名前不論食物質素、份量、價錢同服務都十分好，估唔到一轉名就即刻唔同晒😥我地一行8人下晝叫咗一人一個午餐，但嚟到某幾道主菜嘅份量竟然同前菜一樣，用個碗仔裝，每樣得嗰幾舊，以俾緊$138一位係絕對接受唔到。然後到飯麵嘅時候更加精彩，完全唔知佢係點樣用人數去分出嚟，最後竟然送嗰碟菜係最大碟，亦都較為符合我地人數嘅份量。建議餐廳管理層同廚房師傅溝通下出菜份量嘅準則，再係咁亂嚟只會令一直支持嘅食客唔再幫襯。