Ocio (東港城) (Closed)

脆皮德國鹹豬手配酸椰菜蜜糖芥末 $158入到餐廳見到隔離臺食緊豬手，個賣相好吸引，忍唔住也叫了一份試下。個豬手好有分量, 皮燒到波波脆，配埋蜜糖芥末，簡直一流。唔單止豬手好食，跟餐配的薯條皮脆肉厚，唔使陪茄汁都已經覺得好好味。奧斯全日早餐 $118我個人都好鍾意All Day Breakfast，因為一個餐包含了幾種唔同嘅食物，可以一次過滿足曬所有我想食嘅嘢。奧斯全日早餐配的是滑蛋；大大塊的雞排煎到皮脆肉嫩，芝士腸仔咬落好jucy，芝士味好濃；parma ham配上沙律菜和燒蕃茄，更加彰顯出parma ham嘅香味；薯條是即叫即炸的，皮好脆口；窩夫加蜜糖我通常會留在最後食，感覺似飯後甜品。凱撒沙律,$58跟餐加58元可以加一個凱撒沙律，食了成隻豬手，係需要食啲沙律來調節下，大大碟，好抵食。跟餐還配有餐湯和餐飲，今天的是番茄湯，酸酸啲，好開胃。而餐飲則是加錢轉咗杯OREO的奶唶特飲，雖然個賣相和餐牌有啲出入，但飲落味道唔錯，奶味加上OREO 餅乾的味道，好夾。