首先我地就叫左個燒魷魚筒，好新鮮好鮮甜
，燒得岩岩好。
我地叫左份鐵板德國咸豬手，上菜果陣係用鐵板上
，然後店員好細心幫手倒汁，好香啊！豬手一定要趁熱食
，皮係好脆，真係好正。
古法梅菜蒸菜心
梅菜食落有少少甜
，撈飯一流，份量好多。
每次食大排檔我一定會叫椒鹽九肚魚，魚肉好滑，又香口
黃金豆腐，豆腐炸得剛剛好，仍然保持豆腐好滑口感
蝦醬豬頸肉豆卜，第一次食，未食就聞到有蝦醬味道，豆卜加上豬頸肉一齊食好野味
茄子魚腩煲
魚腩好大件，魚肉好多，好新鮮，加上茄子，又係要配飯一齊食
最後古法啫啫豬潤雞煲
鐘意食豬潤一定要食，豬潤好大件，而且煮得好夠味，份量又多，真係好香好好味
