響 - Hibiki 日本燒肉 (Closed)

10月1號除左係國慶節，仲係我媽咪生日。為左避開睇煙花既人潮， 我一早就book定左呢間響燒肉同佢慶祝。位於佐敦既響，位置就腳，係裕華國貨後面果條街。Reception 係地下，餐廳就上1樓。上到去即刻安排到入座空間幾闊落每張枱都會有齊骨盛、喜瑪拉雅山鹽、黑椒、燒肉汁、豉油同七味粉。放題除左肉類，仲有燒海鮮，蔬菜，刺身，前菜同熟食tim牛肉主要係用來自澳洲既和牛，豬肉就係日本產。首先會尼左一盤肉先，肉上面有齊肉名。食過邊隻鍾意再加單就OK，幾款牛肉質素都唔錯，有加單。雞翼要放爐邊，先可以全熟又唔燶。骨付雞肉腸外皮幾脆，可以一試。送左一盤海鮮，有魚、大蝦、蠔、鮑魚同海螺。好高質特別推介大蝦，蝦肉爽滑入味。仲有一盤刺身，有加拿大海膽，帶子，甜蝦，八爪魚，三文魚，劍魚等等。款式多，夠新鮮。呢個係寫紙既天婦羅，即炸好熱，炸粉岩岩好，唔會皮肉分離，天婦羅汁已經落左蘿蔔蓉。飲品方面就真係不得了啦除左罐裝汽水啤酒應有盡有。仲有2款清酒，一款梅酒同一款柚子酒任飲，岩晒好酒之人，特別推介柚子酒，柚子果香易入口，岩女士飲。熱茶都有三款揀。加錢仲可以飲asahi 同嘉士伯既啤酒，呢部機係日本酒店成日都見，啤