串Grill 自助燒烤專門店 (譽發廣場) (Closed)

天氣凍凍地，個人又懶，去串Grill食串燒就岩晒啦！串Grill 有兩間分店，我地去左譽發廣場樓上鋪食。串燒放題120鐘，任食多達40款以上，飲品無限飲。餐廳環境座位寬敞，以卡位為主，餐廳抽風抽得幾好，唔會食到成身都係油煙味。食物好多選擇，有豬肉、牛肉、雞肉、海鮮、羊肉、丸類，蔬菜、甜品。串燒已經一串串串好晒，放落自動轉轉轉串燒架，燒得好均勻，而且好快熟每樣我地都叫左少少，所有食材都沒有調味，可以食到原汁原味，餐廳亦會提供不同味道的調味料加落去。以到既雞蛋仔真係超級好食，個味道好似食緊旺旺鰻頭，另外亦有綿花糖可以燒，我地encore 左好多次。