殿 大喜屋

Open Now

Now Closed

好耐冇約朋友食飯，難得就到，於是就book咗去尖沙咀食放題。對上一次嚟殿大喜屋已經係疫情前了，所以今次再次嚟到感覺好唔同，整體環境感覺非常光猛，座位與座位之間都好寛躺，坐得好舒服。喺食物方面選擇比以前多咗，除了有罐裝飲品外，還有自助日本酒、咖啡果汁等等，最值得讚係有熱維他奶可比小朋友飲。甜品方面有很多選擇，真係花多眼亂，好多都係自家製嘅手作糕點，雪糕都有超過五款以上，連自助軟雪糕都有，自己可以加不同Topic,對於我呢個甜品控，真是大滿足😋嚟到食放題自然不可以缺少食刺身，值得一讚嘅係佢啲刺身好肥美， 最令我喜出望外嘅係章紅魚薄切刺身，可看得出師傅刀工非常好，切到好靚，再加上海膽豉油，簡直一流👍最後不得不提佢嘅海膽壽司手卷，少飯而且啲紫菜超脆👍我哋encore咗幾次，唯一缺點就係每次都要去排隊攞😭總括嚟講，我同朋友都好滿意呢一餐，除咗食物選擇多之外，價錢又抵食，二人同行可以減一百，任食三小時。