極尚大瀛喜日本料理 (Closed)

大瀛喜有好多間分店，尼間係寫住"極尚"，比普通大瀛喜更多選擇，而且銅鑼灣尼間空間大，舒服。另外，前離座或後入座有85折，折後每位$248。放題必食刺身，如果一次過叫得多，會用大盤裝，上枱個陣好大煙由個盤傳上黎，裝飾埋。而叫得少，就普通一個小盤裝。刺身質素高，三文魚切得非常厚。蝦有3款，另有帶子，魚類刺身。特色壽司各樣叫左一件，可以一啖放入口，抵讚。另外bar有自家製壽司可以夾。天婦羅炸蝦及紫薯仔，超級好食，炸粉薄薄一層，蝦肉彈牙唔會乾，而紫薯食落口，唔似炸過，入面係軟，大讚。不過因為紫薯飽肚，所以試一試就ok。蜜汁燒骨入味，燒得夠香。應該係唯一一款豬肉類食物，但出色。鍾意食羊肉既朋友，就要叫尼個。大大件羊鞍扒(?)，同出面餐廳食既水準有得揮。甜酸炒蝦，我覺得同各種蝦比較，天婦羅炸蝦係第一，尼個係第二好食，而個人就麻麻地刺身蝦。甜酸蝦好開胃，一份有3件蝦，先泡油再炒，令蝦肉呈透明，爽口。炒牛柳粒既份量多，有10粒左右，黑椒味同牛柳絕配。燒牛舌亦顯功力，仍然juicy，每串有2塊，而且切得厚。清酒煮蜆亦唔錯，每碗有4隻，每隻都大粒，而且蜆肉冇沙，所以值得食完一輪再叫多輪。蟹粥確實有鮮味，另