Video
Read full review
2023-09-03
4021 views
舊同事們聚餐，初頭諗住食番以前年年食收爐飯既將軍澳某酒店既自助餐，不過見佢食物質素每況越下，把心一橫，建議食豪d去遠d食雅苑座，最後大家一致栽定我呢個選擇係明智既😎🤓唔覺唔覺，原來上次食雅苑座已經係大學年代，當年都係跟朋友食，只係知道雅苑座係傳統五星級酒店餐廳😂之後都周圍食過唔同嘅自助餐，對於鍾意食龍蝦🦞既我黎講，印象比較深刻既係hotel icon, 既新鮮又任食，但下下食成千蚊都幾貴，所以有時會係一田買d冷盤過下口癮先😂今次見到雅苑座有8折，同事生日又有原個蛋糕送，一於揀佢😏見到一籮龍蝦，真係心心眼😍，食完再食，挪左幾round, 食左5隻😋佢有d有紅膏，有d冇，但全部肉質都新鮮有咬口，長腳蟹🦀️都係啖啖肉，兩項回本之選☺️每人憑碟旁張“The Greenery”卡仔可以換一份煎珍寶帶子配鮑魚（再下面有相）海鮮檔仲有好多選擇，不過冇quota試曬，只係試埋麵包蟹，不過比較之下，唔知係咁啱呢round係咁定點🤔麵包蟹肉質冇咁豐厚鮮甜烤牛扒配以三色椒醬汁，肉質鮮嫩香口，可以淺嘗烤鴨🦆基本上片一塊冇一塊😂好難得見到幾塊，味道同大眾化既烤鴨店不相伯仲，平時係主菜時顯得特別好食，而家同其他野食平
下，把心一橫，建議食豪d去遠d食雅苑座，最後大家一致栽定我呢個選擇係明智既😎🤓
唔覺唔覺，原來上次食雅苑座已經係大學年代，當年都係跟朋友食，只係知道雅苑座係傳統五星級酒店餐廳😂之後都周圍食過唔同嘅自助餐，對於鍾意食龍蝦🦞既我黎講，印象比較深刻既係hotel icon, 既新鮮又任食，但下下食成千蚊都幾貴，所以有時會係一田買d冷盤過下口癮先😂今次見到雅苑座有8折，同事生日又有原個蛋糕送，一於揀佢😏
見到一籮龍蝦，真係心心眼😍，食完再食，挪左幾round, 食左5隻😋佢有d有紅膏，有d冇，但全部肉質都新鮮有咬口，長腳蟹🦀️都係啖啖肉，兩項回本之選☺️
38 views
2 likes
0 comments
每人憑碟旁張“The Greenery”卡仔可以換一份煎珍寶帶子配鮑魚（再下面有相）
50 views
0 likes
0 comments
海鮮檔仲有好多選擇，不過冇quota試曬，只係試埋麵包蟹，不過比較之下，唔知係咁啱呢round係咁定點🤔麵包蟹肉質冇咁豐厚鮮甜
76 views
0 likes
0 comments
48 views
0 likes
0 comments
烤牛扒配以三色椒醬汁，肉質鮮嫩香口，可以淺嘗
41 views
0 likes
0 comments
40 views
0 likes
0 comments
烤鴨🦆基本上片一塊冇一塊😂好難得見到幾塊，味道同大眾化既烤鴨店不相伯仲，平時係主菜時顯得特別好食，而家同其他野食平分秋色
54 views
0 likes
0 comments
傳說中憑卡人手一份既煎珍寶帶子配鮑魚（各一隻），見到佢係一煲汁係到煮，唔怪得咁入味，不過老實講同罐頭鮑魚整熱係差唔多味😂都好食既
63 views
1 likes
0 comments
好奇貪得意食左幾串爐端燒——燒蝦🦐同紫薯🍠，味道同居酒屋差唔多
52 views
0 likes
0 comments
人流疏落既湯麵檔，不過其實佢d材料好有誠意，有瀬尿蝦、蜆，d牛肉睇落都雪花均勻，不過真係冇quota 叫，留畀真大胃王試食
65 views
0 likes
0 comments
刺身同壽司🍣都係即叫即切即燒，肉質鮮嫩
63 views
1 likes
0 comments
甜品百花齊放，應有盡有🍮🍨🧁🍰🎂，當然仲有Hagen daze雪糕🍦而最有儀式感係佢有一個特大佢地餅店FineFoods拿破侖生日蛋糕，有興趣既食客可以排隊影相兼挪一份食，而當月生日既仲每枱有原個生日蛋糕🎂，盡顯老牌五星級酒店餐廳氣派👏🏻👍🏻之於其他甜品，相信FineFoods出品都毋須點評了😋加個三層架直頭可以自製優質英式下午茶🤣
74 views
0 likes
0 comments
基本上我哋成枱剩係食以上較吸引、回本菜式已經好飽，冇quota 試熱食，不過就以上食過同見到比較特別既食物而言，雅苑座既自助晚餐可謂全方位完勝，既有任食海鮮，又有刺身壽司、爐端燒、烤鴨、甜品，水準仲拍得上人地專門sell果樣菜式既餐廳，唯一可惜係冇生蠔🦪，不過都真係已經性價比高，值得推介👍🏻👍🏻👍🏻😋😋😋
Post
