利寶閣 (Closed)

飲茶食點心都有放題？真係唔到你唔服，講緊就係呢間「利寶閣」，$148元就可以任食點心😋足足五十多款，即叫即做，最緊要食得哂唔好嘥就得😬環境方面不過不失咁啦，舒適光猛企理，紫色坐椅，望落都好舒服😌而且唔會背脊頂背脊👍🏻一坐低，每人先奉上原隻鮑魚酥和花膠灌湯餃，淨係呢兩樣已經值回票價，特別係花膠魚翅灌湯餃，真材實料，做工巧手，滋味無窮😋仲有蜆芥鯪魚球，真係即炸熱辣辣，好好味，叉燒酥，懷舊又惹味，正😋再試多幾款不同點心，記得可以按自己份量入單，我嘅策略係多款少量，一定要試多啲😂😂😂熱食我推薦XO醬煎腸粉，滋味又夠入味，暗然銷魂叉燒飯，更加做出佢應有嘅精粹😍再嘆番碗沙薑雞粥，唔會太飽肚，又可以暖暖胃，食野都要講平衡架😬到甜品時候，呢度嘅養顔貢棗糕好受歡迎架，好多食客必點之一，楊枝甘露、杏仁茶，更是我的至愛，其實仲有好多好多點心不能盡錄🤣總括而言，如果鍾意食點心嘅話就一定要試試，強力推薦👍🏻👍🏻👍🏻