高麗軒韓國料理 (Closed)

都有好一段時間無食個任食韓式燒烤，因為有時都覺得有啲唔乾淨，啲肉放晒出嚟任人去揀。所以宜家食韓國野，都主要去啲散叫嘅地方食，價錢相對黎講都會貴d。但今次真係有好推介，呢一間叫做高麗軒嘅韓國料理，除左一般肉類任燒，仲做埋海鮮、鍋飯、熱湯、料理等，選擇好多，感覺完全唔同。大家要試曬每一款既話，請將皮帶較鬆一格。一定要加埋$38升級優惠，因為好正，而且埋單都唔使＄250一個人，任食任叫，我覺得非常超值，因為平時係餐廳叫一個就咁石鍋飯加埋一都差唔多＄100。店員先送上配菜，最鐘意爽脆四季豆，青淡得黎又甜甜地。青瓜都好惹味，爽脆得黎又有d煙癮。雜錦海鮮拼盤有蝦、青口、帆立貝、魷魚、鱈魚柳，好豐富帆立貝大大粒，好多汁，稔稔地點汁都好正！辣醬炒八爪魚仔我好鐘意八爪魚仔，爽爽既辣唔算好辣，帶少少甜，我自己差唔多食曬成碟！紅炆牛肋骨個湯汁好濃好甜，所以個紅蘿蔔都煲到好稔好正，而且牛肋骨成條都好稔，肉質好好呀！如果有多d冬菇呀柳菜仲好呀！生牛肉石頭鍋飯個鍋放上黎好似入左廚房咁，熱度十跳呢，可想而知飯焦會有幾正配菜又多，蔬菜balance番成個飯既口感！講左咁耐都未講到韓燒，因為以上料理我都覺得已經值回票價