倫哥尊尚火鍋私房菜 (Closed)

想起很久無同朋友一齊去打邊爐，今晚就訂咗佐敦的倫哥私房菜的位，有半任食海鮮火鍋，很吸引。今晚來到餐廳後見到人頭湧湧，都满座了，真係好熱鬧。半任食海鮮火鍋套餐每位$338, 有刺身，精選海鮮拼盤同任食火鍋配料等。前菜，有辣木耳，醃蘿蔔，芝麻醬豆腐等，清甜可口。雞煲，任食，可以揀辣度，上檯後煮10分鐘左右就可以食，味道香辣，醬汁惹味，雞肉嫩滑多汁而鮮甜。蒜蓉蒸蚌，肉質爽滑鮮甜，粉絲吸收鮮味同精華。海鮮拼盤，帶子，青口，蟶子，海蝦，奄仔蟹，全部都係新鮮即撈，肉質鮮甜，特別係海蝦，肉質彈牙爽滑。刺身拼盤，賣相美觀，底下有冰墊住，三文魚腩肥美爽滑，還有甜蝦，帶子，三文魚等，肉質爽甜。手切肥牛，呈嫩粉紅色，切得厚身，雪花油脂分佈平均，牛肉味濃郁。墨魚滑同花枝滑，墨魚味香濃，肉質彈牙鮮甜。