Video
Read full review
2019-06-19
2205 views
今晚全家一行四人同daddy慶祝生日兼補祝父親節，由於我哋都好鍾意食蠔嘅關係，就嚟咗呢度食自助晚餐，貪佢有得任食生蠔，滿足吓食生蠔嘅癮啦！有生蠔區即開澳洲Coffin bay生蠔，每人每次限拎三隻。生蠔係呢度自助餐嘅賣點之一，所以呢區長期大排長龍，每次預排5分鐘左右啦，都可以接受嘅。幾經辛苦排到嘅生蠔望落唔算太肥美飽滿，入口竟然有驚喜，呢款澳洲生蠔細細粒咁，但食落充滿鹹香，算幾濃味、金屬味幾重，感覺新鮮，幾啱我嘅口味！海鮮區仲有唔少種類嘅海鮮，包括有麵包蟹、青口、藍蟹、翡翠螺、長腳蟹、龍蝦同埋，全部海鮮都好新鮮，特別一提係龍蝦嘅肉質夠晒爽口彈牙。其實如果係生蠔海鮮迷的話，齋食佢哋都翻到本嘅～熟食區就正正常常啦！有片皮鴨、即炸天婦羅嗰啲，但就唔算好驚艷。有得煮粉麵，仲有三款湯底揀，喇沙湯幾辣算惹味；豬骨湯就最香。另外，個人鍾意食呢度啲燒菠蘿haha另一個重頭戲係呢度嘅甜品區，目測有成廿幾款甜品俾你揀，特別推介荔枝奶凍同焦糖燉蛋，睇住師傳用火槍燒焦糖面，脆卜卜幾吸引！有即製梳乎厘班戟，有六款醬料自己加，質素ok，空氣感十足又有蛋香。另外仲有即製車輪餅，唔係度度有都幾有噱頭，味道正常，今晚有
有生蠔區即開澳洲Coffin bay生蠔，每人每次限拎三隻。生蠔係呢度自助餐嘅賣點之一，所以呢區長期大排長龍，每次預排5分鐘左右啦，都可以接受嘅。
幾經辛苦排到嘅生蠔望落唔算太肥美飽滿，入口竟然有驚喜，呢款澳洲生蠔細細粒咁，但食落充滿鹹香，算幾濃味、金屬味幾重，感覺新鮮，幾啱我嘅口味！
海鮮區仲有唔少種類嘅海鮮，包括有麵包蟹、青口、藍蟹、翡翠螺、長腳蟹、龍蝦同埋，全部海鮮都好新鮮，特別一提係龍蝦嘅肉質夠晒爽口彈牙。其實如果係生蠔海鮮迷的話，齋食佢哋都翻到本嘅～
熟食區就正正常常啦！有片皮鴨、即炸天婦羅嗰啲，但就唔算好驚艷。有得煮粉麵，仲有三款湯底揀，喇沙湯幾辣算惹味；豬骨湯就最香。另外，個人鍾意食呢度啲燒菠蘿haha
另一個重頭戲係呢度嘅甜品區，目測有成廿幾款甜品俾你揀，特別推介荔枝奶凍同焦糖燉蛋，睇住師傳用火槍燒焦糖面，脆卜卜幾吸引！
有即製梳乎厘班戟，有六款醬料自己加，質素ok，空氣感十足又有蛋香。
另外仲有即製車輪餅，唔係度度有都幾有噱頭，味道正常，今晚有少見嘅車厘子味
雪糕係Haagen Dazs,有成十四款，口味算多，不過每次只有好細球，唔多夠喉haha
Post
