La Moo Moo' s Steak and Fries (Renamed) View

今日收工同老公去食朋友推介最近係灣仔開嘅新扒房，餐廳只提供一款套餐，就係牛扒套餐。套餐包括餐包，沙律，8安士肉眼扒同任食脆薯條，另外仲可以加錢配House wine或其他飲品。🍷餐廳樓底高，大玻璃外係灣仔市景，店內裝修雅致，富有情調。我地點左兩個套餐，由於餐廳係主打食牛扒，連餐刀都配有餐廳專用嘅餐刀。🔪餐廳提供的餐包係自家製，配上肉桂味濃嘅牛油，入口既甜且脆，味道唔錯。👍沙律份量都唔少，爽脆新鮮沙律菜加上芝士，脆蒜麵包粒同煙肉，味道層次豐富，而且味道清新醒胃😋8安士的美國肉眼扒真係唔講得笑，牛扒大件之餘肉汁豐富，肉質嫩滑，只需加上少少鹽同黑椒已經好美味，餐廳提供嘅洋蔥汁味道都唔錯。😁脆薯條雖然係任食，不過質素卻非常好，脆薯好幼，非常香脆，沾上茄汁，非常惹味。👍埋單每位約$300，性價比好高。