Deluxe Daieiki Japanese Restaurant

星期五lunch約左朋友食放題，估唔到已經人頭湧湧，座無虛席，非常熱鬧。以前係填紙點菜，而家採用手機app，有指示同埋侍應係隔離指導，餐廳亦都有提供wifi，方便又環保。極尚比起其他分店更加high class，食物亦都有少少唔同，上菜亦都係非常快。

刺身

刺身依然係咁新鮮，擺碟非常精美。

壽司

其餘既例如壽司、炸物、燒物、煮物等等都一應俱全。灸燒玉子甜甜地，好食。

串燒，雞翼

燒物雞翼外皮脆，夠熱，而且調味適中，唔會太鹹。

煮物螺夠鮮甜，用竹籤拮起轉幾圈就食得。

自助吧

仲有唔少美食、飲品同埋甜品都以自助形式供應，一目了然。

椰汁芒果糯米飯

特別要介紹尼個椰汁芒果糯米飯，椰香味濃，芒果酸酸甜甜，加上軟軟既糯米，可以媲美正宗既泰國餐廳。

整體，落完order好快就送上食物，唔駛擔心漏order或者得唔切。