殿 大喜屋

Open Now

Now Closed

殿大喜屋我三個月內已經黎左碼五次。係4月11號開始提供任食拖羅刺生。所以再去試一次。坦白講，本身有諗過拖羅嘅質素會唔會唔好。但係一食之後，發覺絕不欺場，可以睇相。佢提供的拖羅可以講係大拖羅嘅質素。當然佢係隨機俾拖羅你，會有機會有中拖羅的質素。但係我叫左超過30件拖羅刺生全部味道都好好入口即溶。睇相都見到既大拖質素呢啲拖羅如果係一般的壽司店食，淨係刺身起碼要五舊水以上，但而家任食，真心抵。 我自己就真係擔心佢呢個拖羅刺生任食仲可以做幾耐。大家有興趣快d去食。因為淨係食拖羅刺身你都已經返本有突。 我覺得佢呢個任食未必會做得長。中間白色既仲係比油甘魚腩我。任食海膽軍艦。仲有池魚，油甘魚刺身都一樣好新鮮好食。佢提供既小食都好好食。例如辣汁炒蟹，榴槤炸彈 ，煙肉焗薯蓉， 燒雞翼，燒牛舌，呢啲都係必叫必食嘅小食！最抵食系午市時間去食，星期六日或公眾假期都冇加價。我食既時候係二百六十八蚊再加一。埋單三舊水有找。三個中由十二點到三點。食完呢餐，我連晚餐都唔洗食。