串Grill 自助燒烤專門店 (廣華街) (Closed)

突然有個癮好想好想食串燒🍡，就約咗個朋友嚟呢間食串燒，同埋係兩小時任飲任食！喺旺角既地鋪位好方便，唔洗上樓上鋪個啲。服務態度好好，一嚟到就同我哋解釋串燒既流程，串燒好方便，放喺架串串機到就可以等佢自己自動轉自動燒，好方便！仲有張指引講每樣唔同既食物燒幾耐係最好👍食物方面，肉類全部都好好味，啲牛就算燒過咗時間都唔會硬，入口岩岩好，好香牛味🐮😋 另外仲有蔬菜類🥗，食肉類食到膩既話就可以食啲翠肉瓜或者秋葵解下膩，又或者食紅薯，紅薯真係好香甜，食到唔停口，仲有仲有，雞蛋仔同埋棉花糖燒完之後一齊食實在好食到上天堂！ 飲品又有得任飲，一定會再嚟食！