旺角又有一間專門主打手切潮汕牛肉既火鍋放題啦😍😍😍 餐廳環境闊落乾淨，非常光猛，而且冷氣充足，就算夏天熱辣辣去打邊爐都完全冇問題 👍🏻👍🏻
餐廳既主打係牛，當然有唔同既部位比大家選擇，當中包括匙柄、封門柳、吊龍同雪花等，現場有師傅即現手切牛肉，感覺特別新鮮🤣🤣 我最鍾意就係雪花同吊龍，牛味非常濃郁，而且切到厚薄適中，配埋特色醬油更加突出牛既鮮味！！而每枱仲會包一個海鮮拼盤，入面有鮑魚、龍躉、桶蠔，大蝦等，質料新鮮，價性比高。自助食品區仲會有唔同既新鮮蔬菜、魷魚、大蜆、丸類同麵食比大家選擇。亦會設有飲品區，大量啤酒、花茶、港式奶茶、汽水供應，我對佢地既杞子桂圓茶情有獨鍾😍😍 甜度適中，好好飲‼️ 甜品當然會有懷舊雪糕牛奶公司蓮花杯，仲有我最鍾意嘅香芋味添😎😎
📍旺角彌敦道628號瓊華中心9樓
9
