中華小館

Open Now

Now Closed

爸爸生日，於是我哋就同佢嚟灣仔呢間中華小館食生日飯慶祝，有大閘蟹可以任食，除咗大閘蟹仲有幾款蟹菜式，包括有蟹粉春卷，蟹粉小籠包和蟹粉扒菜苗，另外仲有花膠粟米羹和黑金流沙包，以上呢啲都係任食㗎！仲有仲有⋯有每人一隻脆炸乳鴿和一份鮑魚扣鵝掌，真係超級豐盛。大閘蟹任食放題🦀️🦀️🦀️🦀️🦀️大大隻大閘蟹，非常多膏，蟹膏又鮮又甜，撈埋蟹肉一齊食味道更好味。鮑魚扣鵝掌🥘🥘🥘🥘🥘軟林林鵝掌入口溶化，又好重膠質非常滋味。他們都算大隻㗎，食落去啖啖肉，炆得又夠腍，老人家唔夠牙力都咬到！蟹粉扒菜苗🥬🥬🥬🥬🥬非常香嘅蟹粉扒菜苗，菜苗本身嘅味道非常香，爽脆又清新，再配上鮮甜惹味蟹粉，味道更豐富。黑金流沙包🖤🖤🖤🖤🖤超推呢度嘅核心流沙包，即叫即蒸新鮮熱辣，流沙非常澎湃，又香又甜嘅流沙係呢個包嘅精髓，再配埋煙韌點麵包皮非常好味。