響 - Hibiki 日本燒肉 (Closed)

呢間餐廳一直都俾我bookmark左，開左咁耐，都仲係咁多人黎食，證明質素有保證。好在朋友一早就訂了座，如果唔係就應該冇得食或者要宵夜時段先食到啦!餐廳分為兩邊，座位都算幾多!飲品、甜品都是自己拎的!飲品方面除了雪櫃內的罐裝飲品，如汽水、涼茶、啤酒等，還有紅白酒、梅酒等可供選擇，另外也有提供熱茶方便唔飲凍野的客人!座低後餐廳便會為我們先安排刺身拼盤、燒肉拼盤!刺身包括有三文魚、甜蝦、帶子、金目鯛、油甘魚和八爪魚。以上幾款都是可以再次任點的，而海膽就只能吃一次。刺身新鮮鮮甜，而海膽都幾creamy，好香海膽味，鮮甜!餐廳每兩個客人來光顧便會送一隻龍蝦，龍蝦多膏又鮮甜！燒肉拼盤先會來一輪不同肉類俾你試試，等你可以再點!燒肉種類都幾多，最為好食當然是這裡可以任點的和牛，肉質鬆軟，牛肉味濃！另外還有些串燒可以揀黎自己燒，當中免治雞肉棒最好吃，中間有些軟骨，好有咬口！當然還有蔬菜可以燒！還有不少熟食可以點，包括我最愛的鍋物，而這裡的鍋物內裡還有炸魚，非常足料！最後還有movenpick雪糕等可以任食，食得好滿足呀！有機會一定會再黎！