Video
Read full review
2018-11-26
195 views
星期五晚同朋友黎旺角打算食放題，揀咗一定有保證嘅大瀛喜。5:30入場，已經見到有唔少客人，去到6點幾已經座無虛席，唔少人要等位，可以見到係好受大家歡迎。朋友係海鮮迷，依度就介紹幾款必食嘅海鮮。先試刺身，基本上想食嘅刺身都有齊哂，上菜個陣有一團團白煙圍住，超吸引。刺身非常鮮甜，特別中意希靈魚，口感好特別。鹽燒海蝦，燒得好香口，而且肉質嫩滑。黃金炒海蝦，係用鹹蛋黎炒，好惹味。芝士蒜香焗扇貝，佈滿咗好多芝士好邪惡，扇貝非常甜美。法式忌廉藍青口，忌廉味唔會太重，一啲都唔膩，青口好飽滿。辣酒煮花螺，唔係好辣嘅，配酒一齊飲超正~亦都叫咗唔少其他野食，例如燒物炸物壽司等等，質素都非常之高，依度就唔一一介紹喇。值得一贊嘅係，侍應做野好快手，而且野食都上到好快，係一場愉快嘅飲食體驗~
朋友係海鮮迷，依度就介紹幾款必食嘅海鮮。
先試刺身，基本上想食嘅刺身都有齊哂，上菜個陣有一團團白煙圍住，超吸引。刺身非常鮮甜，特別中意希靈魚，口感好特別。
鹽燒海蝦，燒得好香口，而且肉質嫩滑。
黃金炒海蝦，係用鹹蛋黎炒，好惹味。
芝士蒜香焗扇貝，佈滿咗好多芝士好邪惡，扇貝非常甜美。
法式忌廉藍青口，忌廉味唔會太重，一啲都唔膩，青口好飽滿。
辣酒煮花螺，唔係好辣嘅，配酒一齊飲超正~
亦都叫咗唔少其他野食，例如燒物炸物壽司等等，質素都非常之高，依度就唔一一介紹喇。
值得一贊嘅係，侍應做野好快手，而且野食都上到好快，係一場愉快嘅飲食體驗~
Post
