Video
Read full review
2022-07-21
75 views
呢度嘅午市係專食點心嘅點小館，一到晚市就會搖身一變，變做專食烤魚嘅旺旺烤活魚。除左烤魚，佢仲有酸菜魚、雞煲同邊爐，多人嘅話可以一次過滿足哂咁多個願望。首先，不得不提嘅係呢度嘅服務真係一百零一分。我哋對烤魚嘅魚種選擇都唔太熟悉，店員好有耐心咁逐種同我哋解釋佢哋之間嘅分別。我哋當中有一位朋友唔係好食得辣，佢又會向我哋介紹同推薦湯底，對待食客十分有耐心。呢度嘅烤魚總共有三種魚可以揀，分別係魽魚、筍殼魚同埋沙巴龍躉。根據待應哥哥嘅介紹，三種魚都係偏少骨，得條大骨。頭兩種嘅肉質都會係滑身，而龍躉嘅肉就會厚身同彈身啲。Size黎講咁梗係龍躉贏哂，而筍殼魚就會偏細條。最後綜合哂咁多樣野，我哋揀左魽魚加香辣湯底一試。佢個湯底可以揀辣度，咁我哋就揀咗BB辣，唔食得辣嘅朋友仔都接受到。配菜方面，我哋足足叫左7樣。佢本身個湯底入面都有白蘿蔔、豆卜、炸蒜頭、金菇等配菜。其中酸菜係佢推薦必加嘅，我哋一食就表示十萬個認同。佢個酸菜本身個酸鹹味豐富左個香辣湯底，而且勁吸湯，又可以中和到個辣油嘅油膩感，我都強烈建議一定要加！響鈴周圍都有，但係咪間間都會翻炸出嚟俾你？佢呢度就會！炸完之後更加香口脆口，唔會話一浸落去就冧
呢度嘅午市係專食點心嘅點小館，一到晚市就會搖身一變，變做專食烤魚嘅旺旺烤活魚。除左烤魚，佢仲有酸菜魚、雞煲同邊爐，多人嘅話可以一次過滿足哂咁多個願望。
首先，不得不提嘅係呢度嘅服務真係一百零一分。我哋對烤魚嘅魚種選擇都唔太熟悉，店員好有耐心咁逐種同我哋解釋佢哋之間嘅分別。我哋當中有一位朋友唔係好食得辣，佢又會向我哋介紹同推薦湯底，對待食客十分有耐心。
招牌烤魽魚鍋
$288
7 views
0 likes
0 comments
呢度嘅烤魚總共有三種魚可以揀，分別係魽魚、筍殼魚同埋沙巴龍躉。根據待應哥哥嘅介紹，三種魚都係偏少骨，得條大骨。頭兩種嘅肉質都會係滑身，而龍躉嘅肉就會厚身同彈身啲。Size黎講咁梗係龍躉贏哂，而筍殼魚就會偏細條。最後綜合哂咁多樣野，我哋揀左魽魚加香辣湯底一試。佢個湯底可以揀辣度，咁我哋就揀咗BB辣，唔食得辣嘅朋友仔都接受到。
酸菜
$18
1 views
0 likes
0 comments
萵苣
$38
1 views
0 likes
0 comments
響鈴
$32
1 views
0 likes
0 comments
響鈴周圍都有，但係咪間間都會翻炸出嚟俾你？佢呢度就會！炸完之後更加香口脆口，唔會話一浸落去就冧哂，吸湯之餘仲脆身。
紅薯粉
$26
1 views
0 likes
0 comments
呢度嘅薯粉係幼身同薄身嘅，比起出邊厚身同粗身薯粉更加吸湯，唔使煮好耐都已經入味，仲要係保持到煙煙韌韌。
三拼餃類
$68
3 views
0 likes
0 comments
呢個拼盤有兩款餃子(韮菜餃、水餃)同埋雲吞，全部都係手工餃，食起上嚟皮薄餡多，入邊嘅蝦仁、豬肉、菜都好足料，仲唔會一煮就散開晒。
二人肥牛
$98
6 views
0 likes
0 comments
佢個肥牛係手切的，就算淥耐左食落都嫩口，肉味都有喺度，不錯不錯。
黃金炸蝦餅
$68
6 views
0 likes
0 comments
呢個蝦餅震驚咗我哋，我哋一致認為係食過最好食嘅蝦餅。佢係即刻炸，炸到好脆，而且佢嘅蝦肉係打到超級彈牙，好厚嘅一塊，入邊仲會有啲細細嘅蝦肉仔，俾到你好豐富嘅口感。
Post
