樂天經典 (奧海城二期)

Open Now

Now Closed

行左奧海城咁耐，次次經過呢間門口都冇機會入去食，今次終於我係為左呢間以黎。睇門面同入面都好似酒樓，但又感覺比酒樓更高級。坐低開始已經好好服務，先黎一碟眉豆，在黎一壺茶俾我地慢慢睇下想要咩野食。入黎個時一路經過每一枱都有呢煲野，原來係佢地最出名既湯，我地就叫左個淮山杞子鮮螺頭湯，活血健身，提神補氣，非常補身既住家湯，超級超級甜，材料非常多，佢寫一盅可以3-5碗，但最後我地起碼可以飲到7碗，超正跟住就開始叫佢地既主菜，菜香鐡板豆腐，呢個我地叫左中份量，佢全部都係豆腐，外面用蛋包住，最出面就用菜圃加一Ｄ醬汁淋上去，非常豐富，配飯一流。在黎呢個係酥炸豬肉蝦棗，外面勁鬆脆，入面係好多豬肉包住蝦肉同棗粒，最緊要點呢個汁，佢算係自製蜜糖咁，好甜，配上呢個酥炸豬肉蝦棗非常夾。最後仲叫左呢個金牌脆皮燒雞，果然皮好脆，即叫即燒，肉質超嫩唔咸，食得出係新鮮雞，仲有個甜酸醬可以點。呢間野價錢又平，樣樣野都可以選擇大中細，最岩一家人黎食，人多可以樣樣叫大份，唔洗分得咁辛苦，人少可以叫細份，可以食更多唔同既款式，非常之好。