燒肉の殿堂 (Closed)

燒肉の殿堂係一間日式和牛燒肉店 餐廳以大阪城為主題,好有日本燒肉店感覺⭐月伴紫林蝶豆花加上乳酸嘅組合, 清爽得嚟帶點檸檬清香, 酸酸甜甜幾開胃⭐玫瑰玉林另一夏日之選, 口感清新, 同樣係酸酸甜甜, 配燒肉一流⭐日本和牛殿堂湯漬薄片店員即席用火槍炙燒和牛薄片, 和牛肉質嫩滑鮮甜, 將牛肉放入熱辣辣嘅味噌湯內, 味噌湯吸收哂牛脂精華, 味道更甘香⭐蒜燒珍寶生蠔生蠔經過調味之後, 食落好鮮甜, 蠔味濃郁⭐殿堂玉子飯入面有紫菜／飯素／香蔥／生雞蛋, 混合後住每粒米都有蛋漿包裹住, 加埋燒肉一齊食不得!⭐大阪牛和牛五點盛E個大阪城造型盛盒賣相好IGable, 人氣打卡之選! 盛盒每一層都放有唔同嘅和牛部位, 分別有和牛五花／和牛三角／和牛磚, 而另外會由碟附上牛舌同和牛小排!和牛五花肉質鮮味嫩滑, 和牛磚肉質鮮嫩多汁, 而車車最愛嘅牛三角入口即溶, 油脂甘香豐腴 ! 而另一邊碟付嘅牛舌相當厚身而且好腍身唔會韌, 爽口彈牙, 而牛小排富大理石花紋理, 油花分佈均勻, 質地柔軟