大瀛喜日本料理 (Closed)

去到旺角，有好多日式放題餐廳，但好食又抵食既就唔係有好多間，行開MPM ，就黎到大瀛喜見多人排就試埋一份! 一望個飲品雪櫃，有十幾廿款俾我㨂，而且仲有啤酒飲，有清淸地既獅威，淨飲啤酒都抵呀～呢間放題有好多選擇，令我選擇困難症繼續發作。壽司就必有㗎啦，仲有手卷、燒物、海鮮、天婦羅、鍋物、甜品、串燒、烏冬等等...呢個燒牛肋骨不錯，日式燒汁味道不太濃，咸得黎帶少少甜，牛肋骨有肉汁，不會油膩。燒鯖魚用鹽燒方法，特出魚既鮮味，加埋檸檬汁，更能特出魚鮮味，而且一d都唔腥，都ok估唔到放題都有象拔蚌食，呢個辣炒象拔蚌少少辣，洋蔥令整個菜更香，而且象拔蚌鮮甜彈牙，必點之選。三文魚甜蝦刺身尚算新鮮，有口感，不俗不俗，仲差不多食完先記得影呀。天氣咁凍食番個熱辣辣既烏冬先，以燒汁做湯底，甜甜咸咸的，而且烏冬QQ的，可以配搭不同既餸，餸就自己另外點吧~ 甜品都有5-6樣揀，我就揀左芒果世界，上面嗰層係椰汁，底嗰層係芒果西米糕，用新鮮芒果製成，芒果味鮮濃，配合上椰汁既香味，正! 甜品都認真製作。 服務員做事很有效率，而且冇甩單，上菜快而凖，200零蚊食到咁多野，算係咁啦。