Video
Read full review
2010-07-15
108 views
今日出左去跑步，足足跑左90分鐘，回到小西灣邨已經是2:35pm。本來打算買麵包，不過行經太興門口，見到有張輕鬆茶餐的餐牌幾吸引，本住一番嘗試的心態試試。餐廳本身的設計都整齊骨子，畢竟是集團式經營。起碼每一個卡位，有獨立的茶牌座和調味料座。現場環境是用了較暖色調的燈光，都幾有浪漫情調。坐下已經有位女士擺低杯暖水，我花左差不多三分鐘去睇清楚個餐牌，期間沒有人催促「落單」。心目中已經有一個選擇，就是T13。到底什麼叫T13呢??就請大家看清楚吧!!炸菜肉絲湯米粉 - 碗米粉都算都幾多料，而且炸菜又好夠味。我仲衰多手落左唔少胡椒粉，不過都唔係好辣。鬆脆多士 + 香滑炒蛋 - 先睇清楚塊多士，比起其實茶餐廳的仲厚一丁點。至於牛油方面係用Anchor，而且舊牛油仲分開送上。我淨係研究塊多士，都用左一分鐘咁滯。拿上手仲暖，搽左牛油上去再一啖咬落去，真係幾甘香鬆脆。至於份香滑炒蛋，就咁望落去好似炒得老左一點。但是當我用刀切開之後，居然係好滑嫩，而且入口又有濃烈的蛋味。熱好立克 - 基於早上已經飲左奶茶的關係，於是叫一杯熱好立克。下糖之後攪拌，匙羹沾上了不少沉澱的好立克粉，睇黎水吧呢位師傅都幾重手。下
餐廳本身的設計都整齊骨子，畢竟是集團式經營。起碼每一個卡位，有獨立的茶牌座和調味料座。現場環境是用了較暖色調的燈光，都幾有浪漫情調。
坐下已經有位女士擺低杯暖水，我花左差不多三分鐘去睇清楚個餐牌，期間沒有人催促「落單」。心目中已經有一個選擇，就是T13。到底什麼叫T13呢??就請大家看清楚吧!!
炸菜肉絲湯米粉 - 碗米粉都算都幾多料，而且炸菜又好夠味。我仲衰多手落左唔少胡椒粉，不過都唔係好辣。
鬆脆多士 + 香滑炒蛋 - 先睇清楚塊多士，比起其實茶餐廳的仲厚一丁點。至於牛油方面係用Anchor，而且舊牛油仲分開送上。我淨係研究塊多士，都用左一分鐘咁滯。拿上手仲暖，搽左牛油上去再一啖咬落去，真係幾甘香鬆脆。至於份香滑炒蛋，就咁望落去好似炒得老左一點。但是當我用刀切開之後，居然係好滑嫩，而且入口又有濃烈的蛋味。
熱好立克 - 基於早上已經飲左奶茶的關係，於是叫一杯熱好立克。下糖之後攪拌，匙羹沾上了不少沉澱的好立克粉，睇黎水吧呢位師傅都幾重手。下次如果再去幫襯的話，一定要叫杯熱奶茶。
最近他們正在做一個推廣，就是由即日起至7月19日，食客可用優惠價HKD$38，購買一套共三罐的太興原味佳餚(包括濃香咖喱牛腩、滋味咖喱雞和多蕃茄肉醬)。
今次食呢一個輕鬆茶餐，用上了HKD$25。離開之前再睇睇店內其他的餐牌，坦白說句除了早餐和輕鬆荼餐之外，其他的食品價錢算是有點兒昂貴。如果以茶餐而言，HKD$25的確是大眾化價錢。
Post
