天 · 悠蔬食 (Closed)

而家好多人推崇素食主義，尤其是新一代，我哋要更加注重環保，咁樣我哋嘅地球先可以更加有持續性。正值午市嘅關係，我同兩位朋友就叫咗兩個午市套餐share，每個餐仲可以升級加多個餐湯同埋小食，分別係野菌甘筍南瓜濃湯同香脆法包；另外就係青紅蘿蔔、馬蹄雪耳保肺湯同埋芝麻蜜汁薯仔蓮藕。啱晒我哋而家都市人又想要健康但係又唔想浪費太多時間，食一啲有營養嘅食物就係最佳嘅選擇。叫咗個蒲燒玉子淮山蓉素鰻魚配日本珍珠米，另外仲有韓式五色牛蒡拌飯配韓式炸菇，一款日式一款韓式都可以做到素食㗎，真係令我大開眼界！