海上鮮海鮮和牛涮涮鍋

Open Now

Now Closed

聽聞尖咀新開咗間牛涮鍋幾好，於是去試吓，結果有驚喜。試咗午市放題C餐(HK$398加一)，和牛任食，海鮮上一次，自助吧有多款丸，麵，蔬菜同其他食物。飲品係汽水同自家製豆漿/飲品，啤酒要額外收費。食物質素明顯比連鎖牛涮鍋店同等價錢嘅放題好，牛，海鮮，蔬菜都高質(菜高質都算少有)。丸都係嗰啲，麵多款式，而且自助吧有豬紅豬膶。自家製飲品未試曬，試咗陳皮咸檸，幾好飲。絕對對得住價錢，如果要雞蛋裏挑骨頭嘅話就係冇雪糕甜品。總體而言非常滿意。下次會試D餐加龍蝦。