海上鮮海鮮和牛涮涮鍋

Open Now

Now Closed

坐得舒服，好乾淨，可能係新開張嘅關係，希望以後都keep到乾淨。招呼唔錯，啲職員都笑笑口，介紹得好詳細，唔揀貴套餐都冇黑我面。晚餐唔算特別平，應該午餐抵食啲。晚餐我揀最平嗰隻，埋單兩個人六百幾蚊環境wise離講，我覺得唔錯。（雖然任食套餐啲牛肉唔係話特別好食） ，但三百幾蚊任食，都幾多嘢食，尤其係菜特別多，而且係比較特別嘅菜，整體嚟講都算好ok, 會再幫襯。 星期五，六 7:00-9:00pm 有live ，唱得幾好聽，如果想同朋友，搵間打邊爐可以坐得舒舒服服，可以傾吓偈，招呼又唔錯嘅，又唔太貴既，呢度係一個好選擇。 😋

聽聞尖咀新開咗間牛涮鍋幾好，於是去試吓，結果有驚喜。試咗午市放題C餐(HK$398加一)，和牛任食，海鮮上一次，自助吧有多款丸，麵，蔬菜同其他食物。飲品係汽水同自家製豆漿/飲品，啤酒要額外收費。食物質素明顯比連鎖牛涮鍋店同等價錢嘅放題好，牛，海鮮，蔬菜都高質(菜高質都算少有)。丸都係嗰啲，麵多款式，而且自助吧有豬紅豬膶。自家製飲品未試曬，試咗陳皮咸檸，幾好飲。絕對對得住價錢，如果要雞蛋裏挑骨頭嘅話就係冇雪糕甜品。總體而言非常滿意。下次會試D餐加龍蝦。

今晚一行五人到這間在佐敦與柯士甸道交界新開的火鍋店，我們五人，他給了我們一間房，剛剛好每人一爐,各字點自己喜歡的湯底但係套餐要一致，所以我們全部都點了b餐！再加一蚊點了A5和牛, 但要注意一蚊只是一枱一次，上到嚟的時候只有五片, 我覺得就小家了一點，反正我是每個人給自己付錢一爐，為何一蚊就要全枱呢？總括來說牛肉很好，但係其他丸子一般，最要讚的是菜，他們菜的種類很多，分別由各地運到，有很多特別，在方間沒有見過，所以食菜也夠了！因為我們差不多食到九點半，老闆說反正啲菜不可以留，所以他很大方的給我們每人一個盒，自己去裝，拿了一大盒回家吃，總括不錯值得再去

星期六放lunch老闆請食飯，見到街尾新開一間火鍋就想去試試有無午餐。入到去見到有火鍋又有自助區，但同時見到滷水鵝同游水海鮮，真係乜都有，好難定位係一間乜嘢餐廳。坐低見到個餐牌有一小時火鍋定食，但驚嚇的是價錢最平只是99元加一。佢自助區竟然有我好少見到的鵝肝、田雞、牛肉球、十多款不同的菜及自家製飲品。在猶豫要不要試食時仲遇到兩位街坊大力推介話自己係佢開張四天內來咗2次，因為呢度勁似縮細版的深圳餐廳🤣佢地仲話聽日會再來試佢的點心餐。結果我地點左一小時半自助定食。雖然定食提供的特選牛肉係無得任食，但其他可任食的食物都不錯。美中不足的是醬料區沒有麻醬，甜品區亦未提供服務⋯另外場中的全新消毒機太近卡位，好易影響食客，如果改善到就更好。總結今次的用餐經驗是良好的，如果下次老闆再請食飯，我都想再來😚👍