Flagship

Open Now

Now Closed

今晚揀左間好隱秘既餐廳俾個最鍾意新嘗試既朋友去試下，餐牌上既配搭好創新，估佢唔到，食過又真係對得住所寫既「當9唔搭8變原來好搭」，味道都好有驚喜，餐廳既牆身都好具風格。法國藍天使蝦刺身店員話藍天蝦產地水域非常乾淨，哩個刺身一流，啲蝦好新鮮，配上佢地特製的醬料，有蕃茄，芒果加上啲脆脆，酸酸甜甜好開胃，好清新既配搭。特色卡邦尼意粉好新奇嘅配搭，卡邦尼入邊有臘肉同埋金華火腿，意粉好入味有咬口，又有芝士香，驚喜嘅配搭之選，值得一試。紐西蘭脆皮三文魚平時唔係咁鍾意食熟三文魚嘅我都覺得好好食，完全冇腥味，而且煎到個皮勁脆，隻叉吉落去係有聲㗎👀👀😍店員話係用咗刺身級別嘅三文魚，煎到八九成熟，肉質好嫩滑。