原來係間火鍋店，但都提供類似酒樓既點心，不過有D點心名真係取得幾得意。環境設計係復古懷舊風，但睇落其實唔會殘舊反而好高檔次。
我地胃口一般般，所以淨係叫坐幾份野食。雪山叉燒包表面甜甜地但內裡鹹味，而且皮唔厚，餡算多，味道唔錯。鮮茄百花鰻魚盞其實有蝦有茄子有鰻魚，肉質好結實，啖啖都feel到肉，覺得幾抵食，所以我地又嗌多一份。蝦餃外表好靚，五顏六色，即刻影相先！裡面既蝦其實都足料，好飽滿。我地都叫左一份牛肉炒飯，大家一起分住食，份量都好夠，除左有牛肉碎，仲有青椒、紅椒等配料，好夠味。
其實仲有送是日例湯，係烏雞茸菇湯，超好飲！
而且塊烏雞肉好滑好好食，菇菌易入口軟嫩，湯亦都唔會好鹹，絕對一流。
1
