Video
Read full review
2019-05-22
63 views
星期日的下午想食日本野，然後發現響sogo附近有間少少隱秘的地下居酒屋，好奇之下就落黎試試。撞岩晚市開始，開頭只得我地一枱客人，但後黎開始慢慢多人，都有六七成滿。我地坐卡位都幾舒適，唔會太嘈又坐得舒服，店員話其實有兩間房仔可以俾多人既朋友預先訂定的，非常適合想傾計既多人聚會。我地點既係二人套餐，A-F既選擇包含左沙律、鍋物、主菜同甜品等等，價錢只係$398！A-沙律：和風魚生沙律簡單以沙律菜配魚生粒，比較多三文魚，生菜紫椰菜夠新鮮，沙律醋味道剛好，因為好怕食沙律所有材料都俾個醋搶味，但呢款酸味適中，非常開胃。魚生我只食三文魚，食得出都幾新鮮，完全冇任何雪味同腥味。B-鍋物：清酒煮蜆店員響我地點餐前有話其他客人食完呢個套餐都會好飽，所以我地選擇左個比較輕盈既清酒煮蜆，事實亦立明係冇揀錯！份量不算多，大約八隻左右，清酒未不算太突出，不過蜆肉非常入味而且肉質都幾彈牙。C-味噌燒蠔串因為太多魚唔食所以燒物選左蠔，聞起黎燒汁非常濃郁，食起黎蠔肉非常飽滿，所以一串兩隻就岩岩好唔會太膩，仲有燒汁香味同淡淡海水鮮味添。D-高菜蟹膏蟹肉炒飯呢碟飯應該係成個套餐唯一飽既菜，開頭冇留意只focus左響蟹膏同
撞岩晚市開始，開頭只得我地一枱客人，但後黎開始慢慢多人，都有六七成滿。我地坐卡位都幾舒適，唔會太嘈又坐得舒服，店員話其實有兩間房仔可以俾多人既朋友預先訂定的，非常適合想傾計既多人聚會。
我地點既係二人套餐，A-F既選擇包含左沙律、鍋物、主菜同甜品等等，價錢只係$398！
A-沙律：和風魚生沙律
簡單以沙律菜配魚生粒，比較多三文魚，生菜紫椰菜夠新鮮，沙律醋味道剛好，因為好怕食沙律所有材料都俾個醋搶味，但呢款酸味適中，非常開胃。魚生我只食三文魚，食得出都幾新鮮，完全冇任何雪味同腥味。
B-鍋物：清酒煮蜆
店員響我地點餐前有話其他客人食完呢個套餐都會好飽，所以我地選擇左個比較輕盈既清酒煮蜆，事實亦立明係冇揀錯！份量不算多，大約八隻左右，清酒未不算太突出，不過蜆肉非常入味而且肉質都幾彈牙。
C-味噌燒蠔串
因為太多魚唔食所以燒物選左蠔，聞起黎燒汁非常濃郁，食起黎蠔肉非常飽滿，所以一串兩隻就岩岩好唔會太膩，仲有燒汁香味同淡淡海水鮮味添。
D-高菜蟹膏蟹肉炒飯
呢碟飯應該係成個套餐唯一飽既菜，開頭冇留意只focus左響蟹膏同蟹肉，原來用高菜炒飯咁特別！高菜食落同梅菜差不多，帶少少酸味，非常適合帶起胃口，
E-原板海膽刺身
自從響日本食過原板海膽就對呢樣野零抵抗力，呢份刺身足足有六大件，配紫菜一齊食，海膽完全冇腥味都幾新鮮，紫菜夠哂乾身同脆，食完非常滿足！
F-甜品：綠茶雪糕
最後既綠茶雪糕竟然有驚喜！本身想試芝麻但咁岩得返綠茶味，奶味非常濃郁，相對茶味就會淡少少，但口感順滑，沒有一點膩既感覺，喜歡奶味重雪糕就岩哂！
最後口痕仲點左份軟殼蟹天婦羅，用料絕對冇偷雞，整整成隻軟殼蟹肉質好飽滿，炸粉層夠薄又唔會太油膩，咬落去時會有肉汁流出黎，應該係最出色既一碟！
飲品方面點左杯柚子Highball，味道較淡同柚子醬會沉底，所以一定要搞勻先好飲！
Post
