豚王 (Closed)

尖咀有分店雖然無港島區果兩間咁多好評，不過近近地食下先。$80豚王，最basic亦係最穩陣，一早知佢叉燒唔多，我地加$15叉燒，有三大片又幾划算，係就係薄切切，不過薄仲好食過厚切喎，唔會咁痴牙又唔似煲湯豬肉。又加$15一隻溏心日本蛋，就無咁抵，不過都好食。講返個麵先，我揀左細麵即係普通拉麵果款，濃湯底，1辛，軟硬度普通，我既選擇正確，湯底味度剛好，麵身適中，我十分滿意呢碗麵。$90赤王，貴十蚊應該就是加左辣咁大把，友人說都幾辣同好味道。