時新快餐店 (Closed)

睇過OR食評好多次..一早已經想去時新試試奈何一直冇機會/懶得特登去搵食 但咁岩今日同另一半都好想去試試, 就去左紅磡食呢個時新漢堡喇(其實同火車站都好近, 行條天橋就到) 去到時間仲早(約6點PM), 人唔太多, 叫野食先我叫左雙層芝士蛋沙律汁burger , partner叫左雙層芝士黑椒汁order多個薯條, 本身想叫"魯"水雞脾, 但冇哂呢, 唯有食雞翼, 希望下次有雞脾。講番D食物先, order左約五分鍾就有得食一拎個tray上手果陣香味真係好正....個包熱到燙手呢D先係新鮮O麻...咬落去的確好juicy, 夠香, 第一口的確係好感動, 靜係呢一下已經值回票價啦...肉中間有洋蔥碎, 岩我呢D 洋蔥愛好者, 舊蛋就可有可無, partnet話 成個包highlight係個黑椒汁, 但芝士冇味, 食左都唔知有芝士O係入面, 算係唯一敗筆, 薯條冇驚喜啦..雞翼都係, 不過黎食得好開心, 亞叔同亞姐都好nice, 鋪面好整齊企理, 一路睇住電視一路食包, 食完去行下舊街, 咁就係一個好完美既下午, 又何需真係計劃個包係唔係真係100%好好味呢..。