953
320
109
5-min walk from Exit B1, Hung Hom MTR Station continue reading
Telephone
23621279
Introduction
A classic food court for PolyU students, Si Sun is more than an ordinary fast food shop. The owner only uses top quality beef. The ratio of onion and beef is perfect to achieve the best balance of flavours. continue reading
Awards and Titles
Best Restaurant in Kowloon City (2011-2016), Best Hong Kong Style Tea Restaurant (2016), Best Fast Food Restaurant (2011-14)
Opening Hours
Mon - Sat
11:00 - 21:00
Sun
Closed
Payment Method
Cash
Other Info
Alcoholic Drinks
May Bring Your Own Wine
Phone Reservation
Delivery
10% Service Charge
TV Broadcast
Review (1485)
香港人味道 Featured Review
Level4 2017-08-03
4034 views
相信不少香港人都食過時新嘅漢堡包,特別住在紅磡的我。幾日前聽過關於時新將會搬遷嘅新聞,其實真係有些始料不及,因為時新漢堡包真係俾咗唔少回憶我哋,為咗可以重溫呢份情感嘅味道,今次就特別同朋友喺佢搬之前食最後嘅一次。時新快餐店門口外相片有著真真正正香港特色餐廳嘅味道。雖然門口唔算光鮮,但食品味道真係有保證。內裡環境亦唔算好大,約可以坐到20人左右,裝潢都比較舊式,點餐方面就係去到櫃枱同店員落單俾錢,之後煮好就去返櫃枱拎,同而家嘅快餐店集團方式一樣。食物餐牌都掛晒喺餐廳內嘅牆身,而且食物啲餐牌其實都非常之有歷史。食物種類方面主要是港式漢堡包、炸雞髀、炸薯條、同埋港式麵食。說時遲那時快食物都好快就煮好,店員會叫編號跟住就可以拎返去座位嗰度食。今次就叫咗三樣嘢主要都係港式嘅漢堡包、餐蛋麵、同埋紅豆冰。一開始就飲紅豆冰先啦,紅豆冰甜度適中而且入面嘅紅豆粒非常之飽滿軟硬適中,咁熱嘅天氣底下飲呢個紅豆冰真係消暑一流。雙層牛肉蛋芝士漢堡包配沙律汁嚟到時新食當然唔少得就係叫呢個雙層芝士蛋漢堡,漢堡全部都係餐廳自家製造之外,漢堡亦可以揀豬肉漢堡或者牛肉漢堡,而且醬汁都有幾種選擇可以睇返個人喜好決定。而我點解會揀雙層芝士蛋漢堡包,因為貪佢材料豐富咬落去口感非常之滿足,漢堡包豐盈嘅肉汁、加埋雞蛋嘅嫩滑、芝士嘅香同埋沙律醬嘅味道加埋一齊食真係好難用筆墨去形容,而且現有嘅集團快餐更加難食到。餐蛋麵餐蛋麵材料非常之簡單兩塊午餐肉、一隻半熟煎蛋、加上公仔麵就係咁就完成。雖然做法普通,但係非常有香港嘅特色。而進食期間除了可以重溫舊日風味之外,亦對香港傳統味道帶點感慨,香港傳統餐廳因為不同原因真係越來越少,希望大家有機會都可以試一試感受一下真正香港味道。 continue reading
(The above review is the personal opinion of an user which does not represent OpenRice's point of view.)
Level5 2017-05-02
4557 views
香港主要八間受政治資助的大學,各位認為哪間大學附近最多隱世或知名食店呢?我覺得不會是科大、嶺大或教大,反而理大鄰近尖東紅磡,總有大量有潛力的餐廳食店等着他們去光顧,總比大學飯堂的黑汁白汁頹飯好味吧?當然,我又不是八大出身的畢業生,我何來有資格親自評定,哪家大學有最多美食食店?況且一眾大學生要吃頹飯,不一定全是他們的問題,大學校園的選址,和附近配套都起了決定性的作用。還是不要只顧着評論人家大學的私事了,今次我倒是想評評紅磡香港理工大學,附近的一間著名快餐店「時新快餐店」。「時新快餐店」是紅磡區之中,最接近理大的一間快餐食店,勢必是一眾理大學生開飯的理想熱點。「時新快餐店」受理大學生的歡迎,不單純粹因為食店位置,極度接近理大的範圍,亦因為他們有其著名的代表菜式,吸引了一眾理大學生垂青,和每日光臨用膳,令「時新」成為最受「理大」學生歡迎的快餐店。「時新快餐店」的樓面裝修,跟何文田愛民廣場的「天X快餐」很相似,一樣是比較懷舊的經典風格格局。檯櫈用到現在,還沒有被食店更換或翻新,一看到「時新」古早味的檯櫈,不禁令我懷念,已經結業換主的西貢「利口褔」。和「天X快餐」情況相同,「時新快餐店」的傳統經典代表菜,是他們人手製造的牛肉漢堡包。和「天X快餐」不同,「時新快餐店」的「雙層漢堡芝士蛋包」,還備有不同口味的醬汁提供。不過「雙層漢堡芝士蛋包」的自家秘製沙律醬汁亦非尋常簡單,是獨一無二的沙律醬汁。既然「時新快餐店」有自家製的醬汁,我當然要首先品嚐他們自家製醬汁,雙層漢堡芝士蛋包,試試自家製沙律醬汁味道。「時新快餐店」的「雙層漢堡芝士蛋包」,單售二十四元港幣一個。以「時新快餐店」「雙層漢堡芝士蛋包」的份量和質素,還要是人手製造的手工漢堡包,比起大型連鎖快餐店的出品,「時新」漢堡已經是蠻便宜抵食,不用奢求還有套餐飲品提供了。我最初還以為,等候「時新快餐店」的自家製漢堡包,需要等待一段時間才有製成品出來,但結果跟我想的剛剛相反,四分鐘就完成了。四分鐘就能完成一個雙層芝士漢堡蛋包,恐怕現在的快餐店「麥X勞」,也未必有十足把握能做到。事實是讓我有點出乎意料,不過做得快的食品,不等於一定好食,漢堡包亦一樣。我是時候去試食,「時新快餐店」的秘製沙律醬雙層漢堡芝士蛋包吧。「時新快餐店」的雙層芝士漢堡蛋包,製成品比想像中較厚實,餡料比想像中多。雙層芝士漢堡蛋包以兩塊手剁牛肉漢堡扒,夾着一塊已煎熟的熟蛋,再用兩塊灑滿芝麻的漢堡麵包,夾着漢堡蛋和秘製沙律醬汁而成。我最初曾經擔心,「時新快餐店」的雙層芝士漢堡蛋包會像「天X快餐」,讓漢堡包夾着水汪汪的荷包蛋,讓蛋黃隨時隨地都有機會爆發,連累我一身骯髒和尷尬。但結果卻讓我即時鬆了一口氣,因為「時新快餐店」用的是全熟的煎蛋,蛋黃已經被煎到熟透了。「時新快餐店」對煎蛋的處理是讓我很放心,完全不用擔心蛋漿爆發的危機。芝士上下各一塊,夾着煎蛋的手剁漢堡扒,並不是一般經常見到的圓形,而是有點帶角的方形。漢堡扒底下還夾着一塊片裝芝士,漢堡扒淋上了秘製沙律醬汁,雙層芝士漢堡蛋包的份量比想像中豐富。秘製沙律醬在漢堡包上,好像源源不絕地流下來,平時的沙律醬多數比較濃稠,不像今次「時新快餐店」的秘製沙律醬,甜味之餘卻似是較稀疏流質的液體。「時新快餐店」漢堡扒雖然沒有「天X快餐」「米高漢堡」般,有極為誇張的球狀漢堡扒,但「時新快餐店」的牛肉漢堡扒經過人手剁碎釀成,漢堡扒有口感之餘又不易散開,口裡猶有一陣沙律醬甜味和油脂香味。雙層芝士漢堡蛋包,雖然每個要港幣二十四元一個,但雙層牛肉漢堡扒,加全熟煎蛋和秘製沙律醬汁,底層加上一塊芝士,令雙層芝士漢堡蛋包除了有牛肉香味,還多了一層沙律醬加芝士甜味。給區區二十四元港幣,就有一個雙層手工牛肉漢堡蛋包賣,再花錢買杯汽水,對某些大學生而言,可能已經足夠填飽肚子,足以繼續專心學業。「時新快餐店」在理大學生心目中的影響力和地位,肯定是無可替代的啊。 continue reading
(The above review is the personal opinion of an user which does not represent OpenRice's point of view.)
Level4 2017-08-08
996 views
我覺得紅磡、黃埔一帶都幾多野食,成都好想試下時新快餐店,奈何每一次都同佢擦身而過。今次終於特登空肚黎食佢既漢堡包喇!雙層漢堡芝士蛋包 ($24)漢堡包唔算十分出色,但就係充滿港式風味 既一款漢堡包。麵包用左嘉頓漢堡包,微微烘脆,而中間既肉可以揀牛肉/豬肉,即叫即煎,小小juicy不過就好油,夾雜著芝士同蛋,而且配埋秘制既沙津醬 ,成個漢堡包真係幾惹味架! 漢堡扒唔算超大塊,但沙律醬令到呢個包變得更好味!呢個漢堡包既size對於一個男仔黎講,可能有D細,最後朋友要食2個先飽,所以叫多左一個包~魚扒包 ($21) 呢個包賣相就相對失色好多~ 魚扒即係龍脷柳,兩邊都煎過,再加惹味既沙律醬,但始終口感冇雙層漢堡芝士蛋包咁吸引!~我地仲叫左2款小食。炸薯條 ($18) 滷水雞翼 ($19/2) 雞翼幾好食,唔算超過入口,但雞肉就好嫩滑~~餐牌 睇新聞話紅磡黎緊2,3年會重建,餐廳要搬遷,搵日經過要同朋友再去食呢個漢堡包呀! continue reading
(The above review is the personal opinion of an user which does not represent OpenRice's point of view.)
Level3 2017-08-05
802 views
聽講時新好似就黎要結業/搬舖,即刻叫埋家人一齊黎食多次。幫襯過呢間店嘅漢堡包好多次,冇一次令我失望。可能今日係星期六,好曬都依然有人排隊。佢嘅格局同裝修完全係間七、八十年代嘅快餐店,相當懷舊,唔係夾硬堆砌出黎嘅新興懷舊冰室feel。一行三人,叫左三個雙層芝士漢堡、一隻炸雞脾同一碟炸薯條,食到飽飽夾埋先係食左$103,好抵食。講返個漢堡包,屋企人第一次食,佢都講左句「點解個沙律醬同個包咁夾」!其實$22蚊個漢堡,當然唔係有咩靚牛肉俾你,但佢就係做到個價廉物美嘅港式漢堡!麵包鬆軟,兩塊肉加埋芝士同特製沙律汁,熱辣辣,真係好食過mc當太多!至於炸雞脾就冇咩特別,普通貨色。薯條都唔錯,係波浪粗薯,上面灑滿鹽,感覺真係好似細個去快餐店。 continue reading
(The above review is the personal opinion of an user which does not represent OpenRice's point of view.)
Level4 2017-08-03
414 views
看openrice訪問說時新快要因重建而搬遷,嚇了一跳;再看仔細一點原來說是可能在兩三年後。心放下一點,但也勾起了我對時新漢堡包的懷念。畢竟這些傳統港式小店真是買少見少,還是趁它還健在的時候多多幫襯一下。紅磡站B出口一直沿天橋走,走到盡頭走下斜坡便是時新。招牌大,非常易見。平日晚上七時到來竟然沒有人,可能紅館沒有開大show,不然應該會坐無虛席。可惜我只是路過,沒有坐下吃,點了個外賣就走了。即叫即做,開放式廚房讓人看見師傅在鐵板上煎材料,也令整個快餐店內有陣陣油和食物香氣。最有名的手打漢堡扒依然很有肉汁,這個包有兩大塊厚厚的,足料非常,光吃肉也飽了一半。配煮得caramelized的洋蔥碎,甜甜的好惹味,也調起了牛肉的味道。🍔芝麻嘉頓漢堡包,加芝士加🍳煎荷包蛋,再配秘製沙律醬,是傳統港式漢堡的做法。這麽豐富足料,就算$24比麥當奴的特價包貴一倍也值得,再加上港式風味和全人手製的小店人情味,是令時新漢堡包這麽多年仍屹立不倒的原因。希望這個港式漢堡包傳奇不會因重建而消失,就算搬遷我也會跟著去吃的。 continue reading
(The above review is the personal opinion of an user which does not represent OpenRice's point of view.)