Video
Read full review
2023-07-30
382 views
日前經過V city，發現新開咗一間cafe，咁啱行街行到攰，於是點兩杯 latte諗住坐下。係counter位置放咗一個紙牌大字寫住某某信用卡8折，於是朋友用Apple Pay揀咗該銀行嘅信用卡並出示俾負責落單收銀嘅紅髮店員睇，紅髮店員望咗一眼，但仍然係卡機入咗原價並收款。我問紅髮店員：「唔係xx信用卡8折？」店員：「係啊，不過你要埋單之前同我講。」我話：「但我地有出示俾你睇我地用xx信用卡？」店員：「Err…但你冇主動講俾我聽wo，你要主動提出先有架小姐。」店員嘅回答真係出乎意料，咁我睇翻個紙牌，又真係用好細好細隻字寫住要係落單前主動同店員講先有優惠。原來出示信用卡俾店員睇係唔夠架，一定用把口講出嚟並主動要求先有，今次又學到野了，真係開心。最後，平心而論咖啡係好飲嘅，環境都唔錯，空間大，唔會坐得好辛苦，唯獨是店員嘅態度出乎意料。
係counter位置放咗一個紙牌大字寫住某某信用卡8折，於是朋友用Apple Pay揀咗該銀行嘅信用卡並出示俾負責落單收銀嘅紅髮店員睇，紅髮店員望咗一眼，但仍然係卡機入咗原價並收款。
我問紅髮店員：「唔係xx信用卡8折？」
店員：「係啊，不過你要埋單之前同我講。」
我話：「但我地有出示俾你睇我地用xx信用卡？」
店員：「Err…但你冇主動講俾我聽wo，你要主動提出先有架小姐。」
店員嘅回答真係出乎意料，咁我睇翻個紙牌，又真係用好細好細隻字寫住要係落單前主動同店員講先有優惠。
原來出示信用卡俾店員睇係唔夠架，一定用把口講出嚟並主動要求先有，今次又學到野了，真係開心。
最後，平心而論咖啡係好飲嘅，環境都唔錯，空間大，唔會坐得好辛苦，唯獨是店員嘅態度出乎意料。
Post