Video
Read full review
2012-06-23
63 views
星期五晚上, 原來打算過海食飯, 但突如其來的大雨, 再加上女友一句的: 「今日想搵老火湯飲。」, 收工後就到附近的聚點心用餐。7pm左右, 店約7成滿, 如於全店以6人枱為主, 只有一張4人及一張2人枱, 所以如果人客多普遍係要搭枱打對坐的。而枱面上亦有圖文並茂的點心圖樣作參考, 但部分點心因已轉款而無再提供了。店內點心即叫即蒸, 保證熱辣辣!!!茗茶 $2/位有鐵觀音同普洱之選, 侍應之後就會因應每位客人選擇而每人一杯熱茶, 選了鐵觀音, 茶味未算特出, 但亦不算淡而無味。用餐途中亦經常見到侍應拎住兩個水煲主動斟茶, 而且問也不用問就已經加茶了, 係侍應記性好把所有食客飲緊咩茶都記得???? 其實係店舖夠細心, 一早就已預先識別好了!!! 店內有兩款杯, 一款係全黑色杯, 主要for飲普洱客人; 而另一款係杯身白色的, 主要for飲鐵觀音客人。所以侍應斟茶時就可以輕易咁識別到!!!!點心紙一大張A4分門別類 show 晒出嚟, 亦有少量點心圖樣供參考, 而點心亦會每隔數個月就轉下款, 等食客有新鮮感。見點心紙上有部分點心mark有紅點，原以為是店主推介, 但其實正是該店全新/再度推
而枱面上亦有圖文並茂的點心圖樣作參考, 但部分點心因已轉款而無再提供了。店內點心即叫即蒸, 保證熱辣辣!!!
茗茶 $2/位
有鐵觀音同普洱之選, 侍應之後就會因應每位客人選擇而每人一杯熱茶, 選了鐵觀音, 茶味未算特出, 但亦不算淡而無味。用餐途中亦經常見到侍應拎住兩個水煲主動斟茶, 而且問也不用問就已經加茶了, 係侍應記性好把所有食客飲緊咩茶都記得???? 其實係店舖夠細心, 一早就已預先識別好了!!! 店內有兩款杯, 一款係全黑色杯, 主要for飲普洱客人; 而另一款係杯身白色的, 主要for飲鐵觀音客人。所以侍應斟茶時就可以輕易咁識別到!!!!
點心紙一大張A4分門別類 show 晒出嚟, 亦有少量點心圖樣供參考, 而點心亦會每隔數個月就轉下款, 等食客有新鮮感。見點心紙上有部分點心mark有紅點，原以為是店主推介, 但其實正是該店全新/再度推出的食品。
所點食品(1)北菇滑雞飯 $23
記得第一次來食時一試難忘, 當時個飯係滲透著雞嘅香味。但今次食唔返了, 滑雞仍然夠香滑唔嚡口, 但似乎雞件係後加飯內, 令到飯中缺少了雞油香味, 飯則較硬身, 添加豉油後就剛好, 而菇則一般。
(2)雪山叉燒包(3個) $14依個係推介!!! 即迷你菠蘿叉燒包!!包身軟熟唔太厚, 雪山微甜而脆身, 亦因為迷你嘅關係, 唔會食到周圍都係雪山碎, 內裡的叉燒醬+叉燒份量都算多, 叉燒醬味美而濕潤, 不會過甜。
(3)松子上素餃(3件) $16上素餃餡料都幾足, 餃身包滿, 餃與餃之間有適當距離, 以免餃皮因而互相黏在一起, 夾起時亦不會易穿~~內有松子、紅蘿蔔、馬蹄、芫茜……等等，色澤豐富, 餃皮亦算薄身, 味道不錯, 感覺亦較健康!!
(4)花旗參烏雞燉湯 $35花旗參切成薄片燉, 有強烈花旗參味, 真材實料, 但未必人人都接受到, 亦導致烏雞的味道相對被蓋過~~
廚房出點心的話會透過上趟式嘅窗口傳點心出來, 雖然坐在離廚房的第二張枱, 但每當窗口打開時, 陣陣熱氣就會由廚房傅出來, 故可以的話, 選擇坐近門口的會比較好。店內不設加一，只收現金。整體上係一間可以翻吃的點心店，不時亦見有外國遊客光顧。甜品方面, 以迷你版為主, $5/件, 價錢吸引, 但總是未能一嘗。每晚6時後亦有少量小菜供應, 總算給晚市客多一點選擇!!!
Post
