我地去左觀塘覓食~
而家工廈入面愈來愈多野食,
我地就試左呢間- 古今二。
古今二喺官塘工業中心4期,
喺觀塘地鐘D4出口條樓梯一落就係了,
好近。
店面唔算大, 但都坐得幾舒服~
1
而呢間店主推係卷物,
真係有好多唔同嘅卷物呀!
有選擇困難症嘅我,
揀左好一陣子先揀定食咩
日本溫室南瓜沙律 ($55)
呢個我勁中意食, 覺得好好味呀!
因為我本身中意食南瓜,
仲要係日本出產嘅溫室南瓜喎!
唔洗問都知好甜啦!
我都係第1次食用南瓜整嘅沙律咋!
但原來好好食嫁啵!
搖滾樂 ($92)
呢款卷物有芝士, 牛油果, 鰻魚同炸蝦~
鰻魚大大舊咁放喺面頭,
卷物中間就夾住好香嘅芝士,
軟滑嘅牛油果同脆脆嘅炸蝦,
多層味覺同口感呀!
味道都幾好!
東京爆脆 ($88)
呢款卷物入面有蟹柳同吞拿魚~
吞拿魚味好香~
中間仲夾住D脆脆,
口感好好~
蔥牛卷 ($52)
金菇肥牛卷就見得多,
夾蔥嘅我都係第1次見~
就試下佢~
蔥好甜好香呀!
肥牛又唔太肥又唔會太瘦~
岩岩好, 好食!
日式天婦羅 ($75)
天婦羅新鮮炸出來~
熱辣辣好脆~
炸漿唔厚, 唔油。
唔錯~
自家製香菇雞肉丸串燒 ($30)
呢個好食!
出面燒到好乾身, 脆嘅~
但入面好JUICY,
加上有冬菇粒,
口感好之餘, 味道都好好!
總括,
餐廳坐得舒服,
食物都唔錯~
同朋友坐低食餐飯傾下計都係幾好嘅選擇。
