Video
Read full review
2012-10-10
743 views
耐唔耐都會掛住呢度既芝士玉子同銀鱈魚西京燒, 今晚阿媽出左街, 我同家姐又可以去呢度食餐好! 一路行去間餐廳既時候已經同家姐plan定要食啲乜, 點知一坐低個waiter 就 recommend 我地食個新推出既鐵板燒套餐, 話有試食價, 好抵食咁話, 又係既, 成8道菜每位都只係$260幾, 一於試試啦! 話就話係套餐, 但頭盤至甜品都有得揀, 可惜本小姐有選擇恐懼症, 所以交由我呢個又挑剔又為食既家姐拍板 佢揀得開心時我又食得開心! 好鐘意食日式冷豆腐, 清清地, 仲加埋我最鐘意既海鮮 -- 帶子! 同黑魚子配撘得宜, 讚! 第一次飲用北海道牛乳煮既湯, 幾有驚喜, 仲有啲海鮮做材料添~無剌身相囉...由於個剌身拼盤太吸引, 我地食到半路先記得我地未映相 食左咁耐終於到戲肉! 哈~ 我地(我家姐!)揀左鐵板燒大蝦, 青口, 三文魚扒, 牛柳, 羊扒, 炒雜菇同日式蕃薯, 好多野食好好好滿足! 跟餐仲有拉麵或烏冬....大蝦 - 好新鮮好入味, 食落啖啖肉, 正! 青口 - OK 啦三文魚扒 - 表面脆脆地, 唔錯牛柳 - 有濃濃既牛肉味不過略嫌過熟, 如果8成熟就 perf
一路行去間餐廳既時候已經同家姐plan定要食啲乜, 點知一坐低個waiter 就 recommend 我地食個新推出既鐵板燒套餐, 話有試食價, 好抵食咁話, 又係既, 成8道菜每位都只係$260幾, 一於試試啦!
話就話係套餐, 但頭盤至甜品都有得揀, 可惜本小姐有選擇恐懼症, 所以交由我呢個又挑剔又為食既家姐拍板 佢揀得開心時我又食得開心!
好鐘意食日式冷豆腐, 清清地, 仲加埋我最鐘意既海鮮 -- 帶子! 同黑魚子配撘得宜, 讚!
第一次飲用北海道牛乳煮既湯, 幾有驚喜, 仲有啲海鮮做材料添~
無剌身相囉...
由於個剌身拼盤太吸引, 我地食到半路先記得我地未映相
食左咁耐終於到戲肉! 哈~ 我地(我家姐!)揀左鐵板燒大蝦, 青口, 三文魚扒, 牛柳, 羊扒, 炒雜菇同日式蕃薯, 好多野食好好好滿足! 跟餐仲有拉麵或烏冬....大蝦 - 好新鮮好入味, 食落啖啖肉, 正!
青口 - OK 啦
三文魚扒 - 表面脆脆地, 唔錯
牛柳 - 有濃濃既牛肉味不過略嫌過熟, 如果8成熟就 perfect
羊扒 - 無得頂, 無羊膻味, 勁鐘意
炒雜菇 - 正正常常
日式蕃薯 - 甜甜地又好軟淋淋, 好味
仲有甜品, 好在家姐醒目揀左好fresh 既生果同雪糕, 而唔係蛋糕, 哈哈! 真係好鬼抵食, 我地仲叫左2 杯熱 sake 幫助消化 (其實亂UP, 係想飲返杯就真 )
By the way, 每次見到呢個sake 陣都好開心, 咁多款sake, 如果有定價任飲就好喇 Post
