樂天大喜屋 (Closed)

旺角樂天大喜屋假日一向難訂位，加上今日放假出開旺角買野，索性就約朋友食午市放題見下面傾下偈。食放題最重要梗係先試下個刺身，刺身種類多，賣相唔錯，表面既色澤已經睇得出非常新鮮，食落去果然肉質鮮甜，令我encore左至少3轉。除左刺身之外，大喜屋還有不同的特色壽司，每款壽司都是用經精心挑選的幾款不同食材配搭起來，例如有牛油果魚籽壽司，芒果魚籽壽司等等。有創意而且食落去口感唔錯，味道層次倍增。 燒物方面就一定要試下燒雞翼，火侯剛剛好，食既時候絲毫不覺油膩同埋飽飽滯滯咁。 炸物個人最喜愛既就係山貓王榴槤球，鐘意食榴槤的朋友一定要試，因為唔多放題食店提供架。