Video
Read full review
2017-06-08
65 views
沙田河畔花園位置獨立，但係呢個小小嘅社區入面，麻雀雖小，五臟俱全，就有好多高質素而且有特色嘅食肆。上星期去完睇端午節扒龍舟比賽，順道就喺河畔花園附近搵間中菜餐廳《叉燒大王》同屋企人做吓節，食吓飯。聽聞呢間《叉燒大王》 經常客似雲來， 端午節夜當然亦不例外， 慶幸我哋開餐嘅時間早， 唔使等好耐就已經有位。假如一家大細黎開餐，預早book定枱就較為方便喇。【原盅椰子燉老雞湯】，呢個湯材料十分豐富， 用咗原個椰子， 加埋老雞同瘦肉，清燉而成。 湯水色澤金黃， 清澈而不混濁。 而且清燉嘅椰子雞湯並不油膩，入口非常潤喉， 非常滋補養顏，多飲呢個湯水，可以保持皮膚彈滑之外，亦可以養生益氣。【蒜蓉粉絲蒸象拔蚌仔】$138/4隻， 象拔蚌仔出名鮮甜， 用最簡單嘅蒜蓉清蒸方法，就最能帶出蚌仔嘅甜味。 由於象拔蚌仔夠曬新鮮， 所以肉質彈牙爽口。 就算連配菜蒜蓉粉絲亦都相當入味，吸收曬象拔蚌仔嘅精華。【例牌蜜汁叉燒王】$88，呢個係《叉燒大王》嘅鎮店之寶， 師父將梅頭肉用叉燒醬同麥芽糖等材料醃製好， 再用爐火烤製而成。烤好嘅叉燒色澤亮麗， 肉質嫩滑多汁，叉燒肥瘦均稱， 瘦肉部位軟淋嫩滑，而脂肪入口即溶， 非
上星期去完睇端午節扒龍舟比賽，順道就喺河畔花園附近搵間中菜餐廳《叉燒大王》同屋企人做吓節，食吓飯。
聽聞呢間《叉燒大王》 經常客似雲來， 端午節夜當然亦不例外， 慶幸我哋開餐嘅時間早， 唔使等好耐就已經有位。假如一家大細黎開餐，預早book定枱就較為方便喇。
【原盅椰子燉老雞湯】，呢個湯材料十分豐富， 用咗原個椰子， 加埋老雞同瘦肉，清燉而成。 湯水色澤金黃， 清澈而不混濁。 而且清燉嘅椰子雞湯並不油膩，入口非常潤喉， 非常滋補養顏，多飲呢個湯水，可以保持皮膚彈滑之外，亦可以養生益氣。
【蒜蓉粉絲蒸象拔蚌仔】$138/4隻， 象拔蚌仔出名鮮甜， 用最簡單嘅蒜蓉清蒸方法，就最能帶出蚌仔嘅甜味。 由於象拔蚌仔夠曬新鮮， 所以肉質彈牙爽口。 就算連配菜蒜蓉粉絲亦都相當入味，吸收曬象拔蚌仔嘅精華。
【例牌蜜汁叉燒王】$88，呢個係《叉燒大王》嘅鎮店之寶， 師父將梅頭肉用叉燒醬同麥芽糖等材料醃製好， 再用爐火烤製而成。烤好嘅叉燒色澤亮麗， 肉質嫩滑多汁，叉燒肥瘦均稱， 瘦肉部位軟淋嫩滑，而脂肪入口即溶， 非常香口， 令人難以抗拒。
【椒鹽九肚魚】$68， 椒鹽九肚魚外皮香脆，內裏軟滑。 椒鹽非常惹味， 炸到金黃嘅蒜粒以及指天椒， 脆卜卜， 夠曬香口。 呢道咁惹味嘅小菜， 用嚟送啤酒就最適合不過。
【鎮店頭抽雞半隻】$138， 呢半隻豉油雞果然為鎮店之寶， 頭抽醬汁係大㕑獨門秘方， 味道甜甜地， 但不失黃豆嘅豆香。 豉油雞嘅火候控制得恰到好處， 肉質嫩滑， 但又可以充分吸收頭抽鼓油嘅美味。 叉燒大王嘅頭抽雞獨特之處， 就係附帶埋雞嘅內臟， 雞腎雞肝同樣滷得入味， 雞肝尤其出色， 入口溶化， 亦滲出頭抽嘅香甜。
一頓簡單豐盛嘅晚餐， 除咗係滿足饞嘴外， 即係一個機會將一家人聚埋一齊， 做節食飯， 最重要嘅就梗係齊齊整整啦。
Post
