Video
Read full review
2019-04-17
74 views
最近移居咗外國嘅朋友番黎香港聚一聚，佢今次話想食啲有特色嘅中菜，所以我今次選擇左喺樂天經典度食南洋中菜。南洋菜係早期中國移民，帶住自家嘅中菜手藝結合咗泰國/印尼/馬來西亞/星加坡而成。餐廳入面裝修簡約而且寛敞，座位舒適。我地叫左招牌扣肉包 (HKD78)，金牌脆皮燒雞(半隻) (HKD178)，荔枝咕嚕肉(small size, HKD95)金銀蛋浸時蔬(medium size, HKD132)，龍虎燴 (HKD468)同埋楊枝甘露 (HKD38)。脆皮燒雞肉質鮮嫩，外皮皮好脆口，肉質滑溜，而且分量都唔細，啲蝦片同樣炸得啱啱好個扣肉包可以話係樂天經典既signature dish。 扣肉整得好入味，入口油香十足，但一啲都唔覺肥膩，醬汁咸鮮得嚟帶甜味，夾埋個軟綿綿既包，真係無得頂呀，正!個咕嚕肉係我既賣飛佛，配料有菠蘿，荔枝，紅葱，紅椒，青椒。咕嚕肉炸得香脆唔肥膩，調味酸酸甜甜，好開胃。個龍虎燴係樂天經典另一個既signature dish。 個湯好濃郁好鮮味又足料！有蟹，蝦，蜆，有魷魚，鮮魚柳，仲有米線同啲香菜，真係想要多幾個胃食多次。金銀蛋時蔬足料多蛋，仲有肉碎，時蔬係我最鍾意食嘅莧
最近移居咗外國嘅朋友番黎香港聚一聚，佢今次話想食啲有特色嘅中菜，所以我今次選擇左喺樂天經典度食南洋中菜。南洋菜係早期中國移民，帶住自家嘅中菜手藝結合咗泰國/印尼/馬來西亞/星加坡而成。
餐廳入面裝修簡約而且寛敞，座位舒適。
我地叫左招牌扣肉包 (HKD78)，金牌脆皮燒雞(半隻) (HKD178)，荔枝咕嚕肉(small size, HKD95)
金銀蛋浸時蔬(medium size, HKD132)，龍虎燴 (HKD468)同埋楊枝甘露 (HKD38)。
脆皮燒雞肉質鮮嫩，外皮皮好脆口，肉質滑溜，而且分量都唔細，啲蝦片同樣炸得啱啱好
個扣肉包可以話係樂天經典既signature dish。 扣肉整得好入味，入口油香十足，但一啲都唔覺肥膩，醬汁咸鮮得嚟帶甜味，夾埋個軟綿綿既包，真係無得頂呀，正!
個咕嚕肉係我既賣飛佛，配料有菠蘿，荔枝，紅葱，紅椒，青椒。咕嚕肉炸得香脆唔肥膩，調味酸酸甜甜，好開胃。
個龍虎燴係樂天經典另一個既signature dish。 個湯好濃郁好鮮味又足料！有蟹，蝦，蜆，有魷魚，鮮魚柳，仲有米線同啲香菜，真係想要多幾個胃食多次。
金銀蛋時蔬足料多蛋，仲有肉碎，時蔬係我最鍾意食嘅莧菜。
我地一人叫咗一碗楊枝甘露，賣相精美，顏色吸引，芒果味香甜唔酸，仲有清新嘅柚子肉，好好味呀。Post
